Gujarati News

Gujarati News

News of Friday, 9th November 2018

ઓસ્ટ્રેલિયાના મેલબોર્નમાં 'ચાકૂ એટેક'થી અેકની હત્‍યા અનેક ઘાયલ : શંકાસ્‍પદ હુમલાખોરને પોલીસે પકડી પાડયો

મેલબોર્નઃ શુક્રવારે ઓસ્ટ્રેલિયાના મેલબોર્નમાં એક વ્યક્તિએ ચાકૂ વડે અસંખ્ય લોકો પર હુમલો કર્યો હતો. આ હુમલામાં એક વ્યક્તિનું મોત થયું હતું જ્યારે અનેક લોકો ઘાયલ થયા હતા. પોલીસે હુમલાખોરને ગોળી મારીને ઠાર માર્યો હતો. 

વિક્ટોરિયા પોલીસના સુપ્રીટેન્ડન્ટે આ ઘટના અંગે જણાવ્યું કે, શંકાસ્પદ વ્યક્તિ ઈન્ટેલિજન્સ અધિકારીઓને અને સ્થાનિક પોલીસને જાણતો હતો. આ હુમલો આતંકવાદ સાથે સંકળાયેલો છે. વિક્ટોરિયા પોલીસે જણાવ્યું કે, મેલબોર્નમાં બોરકે સ્ટ્રીટ ખાતે આવેલા એક મોલ પાસે આ ઘટના બની હતી. 

વિક્ટોરિયા પોલીસના જણાવ્યા મુજબ, શરૂઆતમાં પોલીસને સ્વાસ્ટોન સ્ટ્રીટમાં સ્થાનિક સમય સાંજના 4.20 કલાકે એક કારમાં આગ લાગી હોવાના સમાચાર મળ્યા હતા. પોલીસ જ્યારે ઘટનાસ્થળે પહોંચી ત્યારે જોયું તો કેટલાક લોકો પર ચાકૂ વડે હુમલો કરવામાં આવ્યો હતો અને તેઓ ગંભીર રીતે ઘાયલ હતા.

ઘટનાસ્થળે શંકાસ્પદ હુમલાખોરને પોલીસે ગોળી મારીને પકડી પાડ્યો હતો. તેને ગંભીર રીતે ઈજાગ્રસ્ત હાલમાં હોસ્પિટલ લઈ જવાયો હતો જ્યાં ઈલાજ દરમિયાન તેનું મોત થયું હતું.

મીડિયા સાથે વાત કરતા વિક્ટોરિયા પોલીસના સુપ્રીટેન્ડન્ટ ડેવિડ ક્લેયટોને જણાવ્યું કે, જેણે લોકો પર ચાકુ વડે હુમલો કર્યો હોત તેને પોલીસે છાતીમાં ગોળી મારી હતી અને તે ગંભીર રીતે ઘાયલ થયો હતો. તેમણે આ ઘટના અંગે વધુ માહિતી આપવા માટે લોકોને આગળ આવવા જણાવ્યું છે. 

સીસીટીવી ફૂટેજ પ્રમાણે આ વ્યક્તિએ બે પોલીસવાળા પર પણ હુમલો કર્યો હતો, જે તેની પાસેથી ચાકુ ઝુંટવી લેવા માટે પ્રયાસ કરતા હતા. ત્યાર બાદ એક પોલીસે તેને ગોળી મારી દીધી હતી. આ દરમિયાન ઘટનાસ્થળે એક કારમાં આગ લાગતી દેખાઈ રહી છે. હજુ સુધી ચાકુ મારવાનું અને કારમાં આગ લાગવાનું કારણ જાણી શકાયું નથી.

(11:01 pm IST)
  • ભરૂચ જિલ્લામાં ભાઈ અને બહેનનો અખંડ પ્રેમનું પ્રતિક એવા ભાઈબીજની શ્રધ્ધાભેર ઉજવણી : ભાઈના લાંબા આયુષ્યની બહેનોએ કામના કરી access_time 6:44 pm IST

  • આગ્રા-લખનઉ એક્સપ્રેસ હાઇ-વે પર ભીષણ અકસ્માત સર્જાયો છે. અહીં એક મુસાફરોની બસ પલટી ખાવાના પગલે લગભગ 45 જેટલા લોકો ઇજાગ્રસ્ત થયા હતા. જેમાં 20 મુસાફરોની હાલત ગંભીર બતાવવામાં આવી રહી છે. આ અકસ્માતના પગલે ગંભીર રીતે ઇજાગ્રસ્ત લોકોને કાનપુર ખસેડવામાં આવ્યા છે, જ્યારે અન્ય ઇજાગ્રસ્તોને તિર્વા મૅડિકલ કૉલેજમાં દાખલ કરવામાં આવ્યા છે. આ અંગે મળતી માહિતી મુજબ, મુસાફરોછી ભરેલી બસ દિલ્હી થી બિહાર તરફ જઇ રહી હતી. આ દરમિયાન કોતવાલી વિસ્તારમાં આગ્રા-લખનઉ એક્સપ્રેસ હાઇ-વે પર અકસ્માત સર્જાયો હતો. આ અકસ્માત સર્જાયા બાદ સ્થાનિકોએ તેની જાણ પોલીસને કરી હતી. access_time 11:50 am IST

  • મુંબઇના દાહણું નજીક માલગાડીમાં આગ લાગતા ગુજરાત-મુંબઇ વચ્ચેનો ટ્રેન વ્યવહાર ખોરવાતા ભરૂચ-અંકલેશ્વરમાં મુસાફરો અટવાયા access_time 6:44 pm IST