Gujarati News

Gujarati News

News of Tuesday, 9th October 2018

ગુજરાતી નરેન્દ્ર મોદી બનારસ છોડે:વારાણસીમાં 'જંગ-એ-એલાન'ના નામથી પોસ્ટરો :જબરો રોષ

યુપી-બિહાર એકતા મંચ મેદાને :ગુજરાતમાંથી હિજરત નહીં અટકે તો ગુજરાતીઓ અને મહારાષ્ટ્રીઓને તગેડી મુક્શું

 

ગુજરાતમાં રહેતા ઉત્તરપ્રદેશ અને બિહારના લોકો પર થયેલ હુમલા અને હિજરતના પ્રત્યાઘાત હવે રાષ્ટ્રીય સ્તરે પડ્યા છે. ઉત્તરપ્રદેશમાં રોષે ભરાયેલા લોકોએ વડાપ્રધાન નરેન્દ્રભાઈ  મોદી સામે જંગ છેડ્યો છે. યુપી-બિહાર એકતા મંચે પીએમ મોદીના સંસદીય ક્ષેત્ર વારાણસીમાં જંગ--એલાન નામથી પોસ્ટરો લાગ્યા છે. તેમાં લખ્યું છે કે ગુજરાતી નરેન્દ્ર મોદી બનાસસ છોડે. ઉત્તરભારતીયો પર હુમલાના વિરોધમાં બનારસમાં લોકો રસ્તા પર ઉતરી આવ્યાં છે. પ્રદર્શનકારીઓનો આક્ષેપ છે કે ગુજરાતમાં ઉત્તરભારતીયો પર હુમલા થઈ રહ્યાં છે અને પીએમ મોદી ચુપ છે.

  2014માં લોકસભામાં નરેન્દ્ર મોદી વારાણસી બેઠક પરથી ચૂંટાઈને દિલ્હીની ગાદીએ બેઠા છે.બનારસવાસીઓએ કહ્યું ચીમકી ઉચ્ચારી કે જો ગુજરાતમાં ઉત્તરભારતીયો કે બિહારીઓની હિજરત નહીં રોકાય અને હુમલા થશે તો ઉત્તરપ્રદેશમાંથી પણ ગુજરાતીઓ અને મહારાષ્ટ્રીયોને તગેડી મુકીશું. અને 2019ની લોકસભાની ચૂંટણીમાં ઉત્તરભારતીયો જવાબ આપશે.

   અત્રે ઉલ્લેખનીય છે કે 2014માં લોકસભાની ચૂંટણીમાં નરેન્દ્ર મોદી વારણસીમાંથી જંગી મતોથી જીત્યા હતા.ઉત્તરપ્રદેશે સૌથી વધુ ભાજપના સાંસદો આપ્યા હતા બાદમાં ઉત્તરપ્રદેશમાં પણ ભાજપની સરકાર બનાવી. ત્યારે હવે બનાસરવાસીઓએ સીધો પીએમ મોદી સામે મોરચો માંડ્યો છે.

(12:38 pm IST)
  • રાજસ્થાનમાં ભાજપને મોટો ઝટકો ;પૂર્વમંત્રી ઉષા પુનિયા પાર્ટીને કરશે અલવિદા :મુખ્યમંત્રી વસુંધરા રાજેની સરકારના 2003 થી 2008ના કાર્યકાલ વેળાએ પર્યટનમંત્રી રહેલા ઉષા પુનિયા કાલે પક્ષમાંથી રાજીનામુ ફગાવશે :જાટ સમાજની પાર્ટીમાં ઉપેક્ષાનો લગાવ્યો આરોપ :પુનિયાએ કહ્યું ચૂંટણીના સમયે અમે પાર્ટીને પોતાની તાકાતનો અહેસાસ કરાવશું access_time 8:28 pm IST

  • વડાપ્રધાન જાટલૅન્ડમાં :જાટો અને ખેડૂતોને પડખે લેવા કવાયત :રોહતકના સાપલામાં સર છોટુરામની 64 ફૂટ ઉંચી પ્રતિમાનું કર્યું અનાવરણ :રેલીને સંબોધતા મોદીએ સર છોટુરામને ખેડૂતોના મસીહા ગણાવી સરકાર દ્વારા ખેડૂતો માટે કરાયેલ કામો ગણાવ્યા હતા:ટેકાના ભાવ વધારા,પાક વીમા યોજના અને સોયલ હેલ્થ કાર્ડનો કર્યો ઉલ્લેખ access_time 12:54 am IST

  • રાજ્યના વન અને પર્યાવરણ વિભાગમાં બદલીઓ:રામ રતન નાલા કે જે ગાંધીનગર ફરજ બજાવતાં હતા તેમને સક્કરબાગના ડિરેક્ટર તરીકે નિમણૂક:પ્રદીપસિંહ ને ડેપ્યુટી કન્ઝર્વેટર ઓફ ફોરેસ્ટ ટાસ્ક ફોર્સ જૂનાગઢ નિમણૂક કરાઈ :એમ,કે,વાળાને જૂનાગઢ સક્કરબાગથી ગાંધીનગર મુકાયા access_time 10:30 pm IST