Gujarati News

શહેરમાં રહેવાના ફાયદા છે તેમ સાઈડ ઈફેક્ટ્સ પણ છે. જેમકે શહેરની ગીચ વસ્તી અને ઊંચા-ઊંચા બિલ્ડિંગ્સ વચ્ચે હરિયાળી ખૂબ ઓછી જોવા મળે છે. જો તમે નેચર લવર હોવ તો પ્રાકૃતિક સૌંદર્ય, તાજી હવા અને હરિયાળી ખૂબ મિસ કરતા હશો. પ્રકૃતિને માણવી હોય તો ટ્રેકિંગ બેસ્ટ છે. ટ્રેકિંગ માટે દર વખતે કુલુ-મનાલી કે ઉત્તરાખંડ સુધી જવાની જરૂર નથી. પાડોશી રાજ્ય મહારાષ્ટ્રના જ શહેર મુંબઈની આસપાસ એવી સુંદર જગ્યાઓ છે જ્યાં શાંતિની પળો વિતાવી શકો છો.

અસાવા

તમે મુંબઈની એકની એક જગ્યાઓએ ફરીને કંટાળ્યા હોવ તો હવે મુંબઈ જાઓ ત્યારે ટ્રેકિંગ કરજો. ટ્રેકિંગ માટેનું એક સ્થળ છે અસાવા. બોરિવલીથી અસાવા પહોંચવામાં 1 કલાક લાગે છે. બિગિનર્સ માટે આ મસ્ત જગ્યા છે. અહીં કુદરતી રીતે બનેલી એક મોટી ગુફા આવેલી છે. ટ્રેકિંગ કરવા માટે રૂટ પણ સરળ છે.

કર્નાલા

પહેલા કદી ટ્રેકિંગ ના કર્યું હોય પરંતુ શરૂ કરવા માગતા હોવ તો કર્નાલા તમારા માટે બેસ્ટ પ્લેસ છે. મુંબઈથી ડ્રાઈવ કરીને એક કલાકમાં અહીં પહોંચી શકો છો. કર્નાલામાં હરિયાળી તો છે સાથે કિલ્લો પણ જોવાલાયક છે. કર્નાલા પનવેલથી 15 કિલોમીટર દૂર છે.

ભાસ્કરગડ

ભાસ્કરગડ મુંબઈથી થોડું દૂર છે. અહીં પહોંચવામાં તમને 2 કલાક લાગશે. આ વિસ્તાર નાસિક પાસે આવેલો છે. અહીં ખૂબસુરત પહાડો છે. ટ્રેકિંગ માટે આ શાનદાર જગ્યા છે. અહીં ઊંચા પહાડો પર બેસીને તમે કલાકો સુધી પ્રાકૃતિક સૌંદર્યને માણી શકો છો, વાદળોને નિહાળી શકો છો. અહીં જવાનો બેસ્ટ ટાઈમ સપ્ટેમ્બરથી ઓક્ટોબર છે.

કોથલીગડ

કર્જતથી આગળ આવેલા આ સ્થળે ટ્રેકિંગની સાથે કિલ્લો જોવાનો આનંદ પણ ઉઠાવી શકો છો. અહીં ચિમની જેવો ટોપ પોઈન્ટ છે અને છૂપા પગથિયા પણ છે. આ જગ્યા અનુભવી ટ્રેકર્સ માટે વધારે સારી છે.

ગારબેટ પોઈંટ

આ ટ્રેકથી જશો તો તમે એક અલગ રૂટ પરથી માથેરાન પહોંચી જશો. આ રસ્તો બેહદ ખૂબસુરત છે. રસ્તામાં તમને સરોવર પણ જોવા મળશે. ગારબેટના પહાડી મેદાન પર પહોંચ્યા બાદ થોડું વધુ ચડવું પડશે ત્યારબાદ જ ગારબેટ પોઈન્ટ પર પહોંચાશે.