Gujarati News

Gujarati News

News of Wednesday, 8th July 2020

પાકિસ્તાનમાં હિન્દૂ મંદિરનું નિર્માણ અટકાવવા થયેલ રીટ પિટિશન કોર્ટે ફગાવી દીધી

ઇસ્લામાબાદમાં પ્રથમ હિન્દુ મંદિરના નિર્માણને પડકારતી અદાલતે એક સરખી ત્રણ અરજીઓને નકારી કાઢી

પાકિસ્તાનના પાટનગર ઇસ્લામાબાદમાં હિન્દુ મંદિર નિર્માણના કેસમાં ત્યાંની કોર્ટે મંદિર સમિતિની તરફેણમાં ચુકાદો આપ્યો છે. 

પાકિસ્તાનની રાજધાનીમાં પ્રથમ હિન્દુ મંદિરના નિર્માણને પડકારતી અદાલતે એક સરખી ત્રણ અરજીઓને નકારી કાઢી હતી.
 ન્યાયાધીશ આમિર ફારુકે મંગળવારે ઇસ્લામાબાદ હાઈકોર્ટની સિંગલ બેંચમાં ચુકાદો આપ્યો હતો.  તેમણે સ્પષ્ટ કર્યું કે 'હિન્દુ પંચાયતોની સંસ્થા' પર કોઈ પ્રતિબંધ નથી.  મંદિર નિર્માણ માટે આઈએચપીને જમીન ફાળવવામાં આવી છે.  તેણે પોતાના પૈસાથી મંદિર બનાવવું પડશે.
આ પહેલા સોમવારે કોર્ટે આ કેસ અંગેનો ચુકાદો અનામત રાખ્યો હતો.  યોજના અનુસાર રાજધાનીના એચ -9 વહીવટી વિભાગમાં 20,000 ચોરસ ફૂટના પ્લોટ પર કૃષ્ણ મંદિર બનાવવામાં આવનાર છે.
મંદિરનું ભૂમિપૂજન માનવ અધિકાર બાબતોના સંસદીય સચિવ લાલચંદ માળી દ્વારા તાજેતરમાં  કરાયું હતું.
 ઇમરાન ખાનની સરકારના સાથી પક્ષ પાકિસ્તાન મુસ્લિમ લીગ દ્વારા મંદિર નિર્માણનો વિરોધ કરાયેલ. મંદિર નિર્માણને "ઇસ્લામની ભાવના વિરુદ્ધ" ગણાવ્યો હતો.
 અરજદારોએ ઇસ્લામાબાદમાં મંદિર નિર્માણ અને કેપિટલ ડેવલપમેન્ટ ઓથોરિટી (સીડીએ) વતી જમીન ફાળવણી રદ કરવાની માંગ કરી હતી.  તેમણે કહ્યું કે પાકિસ્તાનની રાજધાનીના માસ્ટર પ્લાનમાં આવીકોઈ જોગવાઈ નથી.
 જો કે, કોર્ટે આને નકારી કાઢેલ અને કહ્યું કે સીડીએને જમીનના ઉપયોગ અંગે નિર્ણય લેવાનો અધિકાર છે.
 સીડીએએ ગયા અઠવાડિયે કાયદાકીય કારણો દર્શાવીને પ્લોટ પર બાઉન્ડ્રી દિવાલો બનાવવાનું બંધ કર્યું હતું.

(12:36 am IST)
  • સૌરાષ્ટ્ર-ગુજરાત ઉપરથી વાદળો ગાયબઃ છુટાછવાયા સ્થળોએ કયાંક ઝાપટા વરસી જાયઃ ભારે વરસાદની સંભાવના નથી access_time 12:01 am IST

  • ઉત્તરાખંડમાં કાલથી ત્રણ દિવસ ભારે વરસાદની ચેતવણીઃ વિજળી પણ ત્રાટકશે :દહેરાદુનઃ હવામાન વિભાગના જણાવ્યા મુજબ ઉત્તરાખંડમાં ત્રણેક દિવસ વરસાદની સંભાવના છે. આવતીકાલે ૧૦મીએ દહેરાદુન, પૌડી, હરીદ્વાર, ઉધમસિંહનગર, ટીહરી, ઉત્તરકાશી, અલ્મોડા અને ચંપાવત નૈનીતાલ જીલ્લામાં કયાંક-કયાંક ભારે વરસાદની ચેતવણી આપવામાં આવી જયારે કેટલીક જગ્યાએ વિજળી પણ ત્રાટકશે access_time 3:39 pm IST

  • વડાપ્રધાન નરેન્દ્રભાઇ મોદીએ આજે કહ્યું હતું કે, વારાણસી એક્સપોર્ટના હબ તરીકે ઉભરી આવશે અને આત્મનિર્ભર ભારતના ઝૂંબેશમાં વિકાસ માટે ચાવીરૂપ કેન્દ્ર બની જશે access_time 12:54 pm IST