Gujarati News

મુંબઈ, તા.૯: મુંબઈના અંધેરી વિસ્તારમાં રહેતા એક વેપારીની જૂનિયર કોલેજમાં અભ્યાસ કરતી ૧૬ વર્ષની દીકરીએ તેમના પાડોશી સામે દુષ્કર્મની ફરિયાદ નોંધાવી છે. કિશોરીએ ફરિયાદમાં જણાવ્યું છે કે, તેમના પાડોશમાં રહેતો શખસ તેને કામોત્તેજક ઈન્જેકશન આપતા હતા અને પછી પતિ તેનો રેપ કરતો હતો. આ બધું એ શખસની પત્નીની હાજરીમાં જ થતું હોવાનો પણ કિશોરીએ આરોપ લગાવ્યો છે. આ મામલે કિશોરીમાં પાડોશમાં રહેતા દંપતી સહિત ૪ લોકોની ધરપકડ કરવામાં આવી છે.

કિશોરીએ પાડોશમાં રહેતા વ્યકિત પર આરોપ લગાવ્યો છે કે, તેણે તેનું અપહરણ કર્યું હતું અને પછી જબરજસ્તીથી એફ્રડિજીએકની ટેબ્લટ્સ અને ઈન્જેકશન આપી હતી. તે પછી તેના પર દુષ્કર્મ કર્યું હતું. કિશોરીએ આરોપ લગાવ્યો છે કે આવું છેલ્લા ૮ વર્ષથી કરવામાં આવી રહ્યું હતું. કિશોરીએ દાવો કર્યો કે, એ વ્યકિતની પત્નીને પણ આ વાતની જાણ હતી. આ મામલે દંપતીની ધરપકડ કરી લેવામાં આવી છે. જોકે, તેમણે બધા આરોપોને નકારી દીધા છે.

આ મામલે અન્ય બે લોકોની પણ ધરપકડ કરવામાં આવી છે, જે સંબંધમાં કિશોરીના કાકા અને કાકાનો ૧૯ વર્ષનો દીકરો છે. પીડિતાએ પોતાની ફરિયાદમાં કહ્યું છે કે, જયારે તેના કાકા તેના લગ્ન કરાવવા માટે તેને ઉત્તર પ્રદેશ લઈ ગયા હતા. પીડિતાએ આરોપ લગાવ્યો છે કે, તેના કાકા તેના લગ્ન કરાવી પીડિતાના પરિવાર પાસેથી રૂપિયા પડાવવા માગતા હતા. પીડિતાના કહેવા મુજબ, ઉત્તર પ્રદેશમાં તેણે તેના કાકાના દીકરાની મદદ માંગી હતી અને એ રીતે બંને નજીક આવ્યા હતા. બંને રિલેશનશિપમાં હોવાનું પણ કહેવાઈ રહ્યું છે. તેની સાથે શારીરિક સંબંધ બાંધ્યા હતા. અમારા સહયોગી ટાઈમ્સ ઓફ ઈન્ડિયાના એક રિપોર્ટ મુજબ, અંબોલી પોલીસ સ્ટેશને ૨૭ પાનાનો એક પત્ર કબજે લીધો છે. જે પીડિતાએ પોતાના માતા-પિતાને લખ્યો હતો.

એક પોલીસ અધિકારીએ જણાવ્યું કે, કબજે લેવાયેલા પત્રમાં પીડિતાએ લખ્યું છે કે, તેને ટેબ્લેટ્સની લત લાગી ગઈ હતી. તેણે એવું પણ જણાવ્યું છે કે, પાડોશીએ તેને એમ કહીને ધમકાવી હતી કે, તેની પાસે પીડિતાની વિડીયો કિલપ છે અને એ રીતે તેણે બ્લેકમેલ કરવાનું શરૂ કરી દીધું. તે પછી તે ડિપ્રેશનમાં સરી પડી હતી. પત્રમાં પીડિતાએ લખ્યું છે કે, તે પછી તેણે ઉત્તર પ્રદેશમાં તેના પિતરાઈ ભાઈની મદદ માગી હતી. પીડિતાના પિતાની ફરિયાદ પર અપહરણની ફરિયાદ નોંધી લેવાઈ છે. ડેપ્યુટી પોલીસ કમિશનર અભિષેક ત્રિમુખે અને તેમની ટીમે સીનિયર ઈન્સ્પેકટર સોમેશ્વર કામટે, સીનિયર ઈન્સ્પેકટર અબ્દુલ રઉફ શેખ સાથે દિલ્હી અને ઉત્તર પ્રદેશ ગઈ અને છેવટે અમેઠીથી કિશોરીને રેસ્કયુ કરવામાં આવી. તેના કાકા અને તેમના પુત્રની શનિવારે ધરપકડ કરવામાં આવી હતી. પાડોશમાં રહેતું દંપતી, પીડિતાના કાકા અને કાકાનો દીકરો હાલમાં પોલીસ કસ્ટડીમાં છે.

(સુપ્રીમ કોર્ટે શારીરિક શોષણના કેસો અંગે આપેલા નિર્દેશ મુજબ પીડિતાની પ્રાઈવસી જાળવવા માટે તેની ઓળખ જાહેર કરવામાં નથી આવી.)