Gujarati News

નવી દિલ્‍હી તા. ૯ : અર્થશાષાી પરકલા પ્રભાકરે દાવો કર્યો છે કે જો ભાજપ આ વર્ષની લોકસભા ચૂંટણી જીતશે તો દેશમાં ફરીથી ચૂંટણી નહીં થાય. કેન્‍દ્રીય નાણામંત્રી નિર્મલા સીતારમણના પતિ પરકલાનું આ નિવેદન સોશિયલ મીડિયા પર ઝડપથી વાયરલ થઈ રહ્યું છે. દેશની મુખ્‍ય વિપક્ષી પાર્ટી કોંગ્રેસે ખુદ પરકલા પ્રભાકરના નિવેદનનો વીડિયો શેર કર્યો છે. તેમણે એવો પણ દાવો કર્યો હતો કે સમગ્ર દેશમાં મણિપુર જેવી સ્‍થિતિ સર્જાઈ શકે છે.

કોંગ્રેસે સોશિયલ મીડિયા પ્‍લેટફોર્મ પર ૧.૪૯ મિનિટનો લાંબો વિડિયો શેર કર્યો છે અને સમગ્ર દેશમાં લદ્દાખ-મણિપુર જેવી સ્‍થિતિ સર્જાશે - પરકલા પ્રભાકર. પાર્ટીએ વધુમાં કહ્યું કે, ‘પરકલા જી એક જાણીતા અર્થશાષાી છે અને નાણામંત્રી નિર્મલા સીતારમણના પતિ છે.'

વાસ્‍તવમાં, અર્થશાષાી પરકલા પ્રભાકરે એક યુટ્‍યુબ ચેનલને ઈન્‍ટરવ્‍યુ આપ્‍યો હતો, જયાં તેમને પૂછવામાં આવ્‍યું હતું કે જો વડાપ્રધાન નરેન્‍દ્ર મોદીના નેતૃત્‍વમાં દેશમાં ત્રીજી વખત સરકાર બનશે તો શું થશે? આના જવાબમાં તેમણે કહ્યું, ‘જો આવું થાય છે, તો એવી સંભાવના છે કે તમે બીજી ચૂંટણીની અપેક્ષા ન રાખી શકો. જો ૨૦૨૪ની ચૂંટણી પછી આ સરકાર પાછી આવે છે, તો તે પછી કોઈ ચૂંટણી નહીં થાય.'

પરકલા પ્રભાકરે વધુમાં કહ્યું, ‘હવે તમારી પાસે જે દેશનું બંધારણ અને નકશો છે, તે સંપૂર્ણપણે બદલાઈ જશે. તમે તેને ઓળખી પણ શકશો નહીં. હવે તમને પાકિસ્‍તાન મોકલવાની, તેને મારી નાખવાની અથવા તેને ભગાડવાની વાતો જે ધર્મ સંસદ જેવા સ્‍થળોએ સંભળાય છે તે હવે તમે લાલ કિલ્લા પરથી સાંભળશો.' અર્થશાષાીએ કહ્યું, ‘આવી બાબતોને લઈને સંપૂર્ણપણે ખુલ્લો ખેલ ખેલાશે. આ સૌથી મોટો ખતરો છે.'

નિર્મલા સીતારમણના પતિ પરકાલાએ પણ સમગ્ર દેશમાં મણિપુર જેવી સ્‍થિતિ ઊભી થવાની ચેતવણી આપી હતી. તેમણે કહ્યું, ‘અત્‍યારે તમે અનુભવી રહ્યા છો કે મણિપુરમાં હિંસા થઈ રહી છે, તેથી અહીં તે થવાની કોઈ શક્‍યતા નથી. તમારે આવું વિચારવાની જરૂર નથી, કારણ કે મણિપુરમાં આજે જે કંઈ થઈ રહ્યું છે, તે કાલે તમારી અથવા અમારી સાથે થશે. તે રાજયમાં પણ બની શકે છે. લદ્દાખ, મણિપુર જેવી સ્‍થિતિ અથવા ખેડૂતો સાથે જે રીતે વર્તન કરવામાં આવ્‍યું છે તે આખા દેશમાં ચોક્કસપણે થશે.'