Gujarati News

Gujarati News

News of Friday, 9th April 2021

'મમતા બેગમ' અને 'મિનિ પાકિસ્તાન' વાળા નિવેદન અંગે શુભેન્દુને ચૂંટણી પંચની નોટિસ: 24 કલાકમાં જવાબ માંગ્યો

મમતા બેનર્જીને નોટિસ આપ્યા બાદ હવે ચૂંટણી પંચે શુભેંદુ અધિકારીને નોટિસ ફટકારી

કોલકતા :પશ્ચિમ બંગાળ વિધાનસભા ચૂંટણી પ્રચાર દરમિયાન નેતાઓએ એકબીજી પર આરોપ પ્રત્યારોપ લગાવ્યા અને અનેક વખત શાબ્દિક હૂમલાઓ કર્યા. તો આ બધા અંગે ચૂંટણી પંચ કડક વલણ અપનાવી રહ્યું છે. મમતા બેનર્જીને નોટિસ આપ્યા બાદ હવે ચૂંટણી પંચે શુભેંદુ અધિકારીને નોટિસ આપી છે.

શુભેંદુ અધિકારીને 'મમતા બેગમ' અને 'મિનિ પાકિસ્તાન' વાળા નિવેદન બદલ ચૂંટણી પંચે નોટીસ આપી છે. બંગાળની નંદીગ્રામ સીટના ભાજપ ઉમેદવાર શુભેંદુ અધિકારી પાસેથી આ અંગે 24 કલાકમાં ખુલાસો માંગ્યો છે. તેમણે એક સંબોધનમાં કહ્યું હતું કે તમે 'બેગમ'ને મત નહીં આપો, પરંતુ 'મિનિ પાકિસ્તાન' માટે મત આપશો. તમારા વિસ્તારમાં દાઉદ ઇબ્રાહિમ આવી જશે. તેમણે આગળ કહ્યું હતું કે ભગવાન રામ દુર્ગા માતાની કમળના ફૂલ વડે પૂજા કરતા હતા, તમે પણ કમળને મત આપજો.

ઉલ્લેખનીય છે કે આ પહેલા મમતા બેનર્જીને પણ ચૂંટણી પંચે ધર્મના આધારે મત માટે અપીલ કરવા બદલ નોટિસ આપી છે. ભાજપે કરેલી ફરિયાદ બાદ આ નોટિસ આપવામાં આવી છે. જેને લઇને મમતા બેનર્જી ભડક્યા હતા અને કહ્યું હતું કે ચૂંટણી પંચે અત્યાર સુધીમાં દેશના વડાપ્રધાનને કેટલી નોટિસ આપી?

(12:28 am IST)
  • દેશમાં કોરોનાના કેસમાં ભયંકર ઉછાળો : અત્યાર સુધીના રેકોર્ડબ્રેક નવા કેસ નોંધાયા : એક્ટિવ કેસનો આંકડો 9 .74 લાખને પાર પહોંચ્યો :વધુ 802 દર્દીઓના મોત: રાત્રે 11 વાગ્યા સુધીમાં કોરોનાના નવા 1,31,787 કેસ નોંધાયા :કુલ કેસની સંખ્યા 1,30,57,863 :એક્ટિવ કેસ 9,74,174 થયા વધુ 61,797 દર્દીઓ સ્વસ્થ થતા કુલ 1,19,10, 709 થયા :વધુ 802 લોકોના મોત સાથે કુલ મૃત્યુઆંક 1,67,694 થયા: દેશમાં સૌથી વધુ મહારાષ્ટ્રમાં નવા 56,286 નવા કેસ નોંધાયા access_time 12:58 am IST

  • કોરોના સંબંધિત પગલાઓ લેવાની તમામ સત્તા રાજય સરકારોને આપવામાં આવી છે : અમિતભાઈ : ગૃહમંત્રી અમિતભાઈ શાહે કહ્યું છે કે કન્ટેનમેન્ટ ઝોન સહિતના શું પગલાઓ લેવા તેની સંપૂર્ણ છૂટ રાજય સરકારોને આપવામાં આવી છે : ફેબ્રુઆરીના અંતથી આ છૂટ આપવામાં આવી છે, જે હેઠળ હવે રાજયોએ નક્કી કરવાનું છે કે તેમના રાજયમાં કન્ટેનમેન્ટ ઝોન કે લોકડાઉન સહિતના કેવા પગલા લેવા? access_time 3:56 pm IST

  • IPL 2021 ના તમામ મેચના લાઈવ સ્કોર જોવા માટે જોતા રહેજો www.akilanews.com વેબસાઈટ : દેશભરમાં કોરોના પોતાનો કાળો કેર વરસાવી રહ્યો છે. તે વચ્ચે આઈપીએલની શરૂઆત થવા જઈ રહી છે. તેથી ઘરે બેઠા લોકો ડરના માહોલ વચ્ચે મનોરંજન મેળવી શકશે અને રિલેક્શ પણ અનુભવી શકશે. વર્તમાન ચેમ્પિયન મુંબઈ ઇન્ડિયન્સ અને રોયલ ચેલેન્જર્સ બેંગ્લોર વચ્ચે આજે સાંજે 7.30 વાગે આઇપીએલ-14ની પ્રથમ ટક્કર થશે. access_time 9:24 am IST