Gujarati News

નવી દિલ્હી,તા.૯: દેશમાં કોરોનાથી પીડિતોની સંખ્યા પાંચ હજારને પાર થઇ છે. કેન્દ્રીય સ્વાસ્થ્ય તેમજ પરિવાર કલ્યાણ મંત્રાલય તરફથી આંકડાના જણાવ્યા મુજબ અત્યાર સુધી ૪૧૦ લોકો સ્વસ્થ થયા છે. તેમજ આજે ૩૪ નવા કેસ નોંધાયા અને ઝારખંડ, જમ્મુ-કાશ્મીર અને પંજાબમાં ૩ના મોત નોંધાયા છે. છેલ્લા ૨૪ કલાકમાં ૭૭૫થી વધુ કેસ સામે આવ્યો છે. તેથી કુલ કેસનો આંકડો ૫૯૫૨ થયો છે. અને મૃત્યુઆંક ૨૦૧ સુધી પહોંચી ગયા છે.

કોરોનાથી ગઇ કાલે સૌથી વધુ ૯૫ દર્દીઓ સ્વસ્થ થયા તેના એક દિવસ પહેલા ૭૫ દર્દીઓ સ્વસ્થ થયા હતા. એક દિવસમાં સંક્રમણના કેસોમાં ઘટાડો થતો જોવા મળ્યો મહરાષ્ટ્રની સ્થિતિ વધુ ચિંતાજનક છે. ૧૦૦૦થી વધુ કેસ નોંધાતા હાહાકાર મચી ગયો છે.

વાયરસને ફેલાતો રોકવા માટે દિલ્હી, મુંબઇ, ચંદીગઢ અને યુપીમાં ઘરેથી નિકળવા પર મોઢા પર કપડુેં બાંધવું અથવા માસ્ક પહેરીને નીકળવું જરૂરી બની ગયું છે.

દેશના વિવિધ ભાગોમાં અત્યાર સુધીમાં કોરોનાનો પગપેસારો વધતો જ જાય છે. આજે પંજાબમાં ૬  અને ઝારખંડમાં નવા કેસ નોંધાયા છે અને મધ્યપ્રદેશમાં પણ પાંચ નવા કેસ સામે આવ્યા છે. મધ્યપ્રદેશમાં સંક્રમણ ત્રણ સૌથી મોટા કેન્દ્ર ઇન્દોર, ભોપાલ અને ઉજજૈનને સીલ કરવામાં આદેશ આપવામાં આવ્યા છે. ગઇ કાલે દેશમાં ૨૭ના મોત થયા હતા. તેમાં સૌથી વધુ ૧૭ લોકોના મોત મહારાષ્ટ્રમાં થયા હતા.