Gujarati News

ભોપાલ : કોરોનાને લઇને ઉત્તર પ્રદેશ, દિલ્હી બાદ મધ્ય પ્રદેશે મોટો નિર્ણય લીધો છે. રાજ્યનાં ત્રણ શહેરો ઇન્દોર, ભોપાલ અને ઉજ્જૈનમાં કોરોના પોઝિટિવ કેસની વધતી સંખ્યાથી ચિંતિત શિવરાજ સરકારે ગુરુવારથી આ શહેરોને સીલ કરવાનો નિર્દેશ આપ્યો છે.

 મુખ્યમંત્રી શિવરાજ સિંહ ચૌહાણે નિર્દેશ આપ્યો કે કોરોના સંક્રમણવાળા ઇન્દોર, ભોપાલ અને ઉજ્જૈનને સંપૂર્ણ રીતે સીલ કરી દેવામાં આવે. સાથે જ બીજા જિલ્લાઓમાં પણ સંક્રમિત ક્ષેત્રોને સીલ કરવામાં આવે

   સીએમે કહ્યું કે, આ ક્ષેત્રોમાં જિલ્લા વહીવટી તંત્ર આવશ્યક વસ્તુઓનો પુરવઠો સુનિશ્ચિત કરે અને આવન-જાવન પર સંપૂર્ણ રીતે રોક લગાવવામાં આવે. આ ઉપરાંત જરૂરી હોવા પર સામાનની હોમ ડીલીવરીની વ્યવસ્થા કરવાની જવાબદારી આપવામાં આવી છે. .

મુખ્યમંત્રી શિવરાજ સિંહ ચૌહાણે જનતાને આગ્રહ કર્યો છે કે સંક્રમણથી બચવા માટે દરેક વ્યક્તિ માસ્ક લગાવીને જ ઘરેથી બહાર નીકળે. ઉલ્લેખનીય છે કે ઇન્દોરમાં અત્યાર સુધી કુલ 213 કોરોના પોઝિટિવ કેસ સામે આવી ચુક્યા છે અને આમાંથી 16 લોકોનાં મોત થયા છે. તો ઉજ્જૈનમાં કોરોનાથી અત્યાર સુધી 5 લોકોનાં પણ મોત થયા છે. આ ઉપરાંત ભોપાલમાં કોરોનાનાં 94 પોઝિટિવ કેસ સામે આવી ચુક્યા છે જેમાં એક વ્યક્તિનું મોત થયું છે.