Gujarati News

Gujarati News

News of Tuesday, 9th March 2021

બ્રિટનની સંસદમાં પણ ગૂંજયું ખેડૂત આંદોલન

મંત્રીએ કહ્યું કે આ ભારતનો આંતરિક મુદ્દો છે અને અમારી તેની પર નજર છે

લંડન, તા.૯: બ્રિટનની સંસદમાં પણ ભારતમાં ચાલી રહેલા ખેડૂત આંદોલનને લઈને ચર્ચા થઈ છે. આ ચર્ચા એક ઓનલાઈન પેટીશન પર લોકોના મળેલા સમર્થન બાદ થઈ. તેમાં બ્રિટિશ સરકારને અપીલ કરાઈ કે તેઓ ભારત સરકાર પર આંદોલનરત ખેડૂતોની સુરક્ષા અને પ્રેસ ફ્રીડમને લઈને નક્કી દબાવ બનાવે. આ પેટીશન નવેમ્બરમાં શરૂ થઈ હતી જેના પર ૧ લાખથી પણ વધારે લોકોએ સાઈન કર્યા હતા. મળતી માહિતી અનુસાર આ પેટીશન પર લગભગ ૧.૧૬ લાખ લોકોએ સાઈન કર્યા છે.

આ ચર્ચા લંડનના પોર્ટકુલિસ હાઉસમાં થઈ હતી અને તે લગભગ ૯૦ મિનિટ સુધી ચાલી હતી. કોવિડ પ્રોટોકોલના કારણે કેટલાક સાંસદોએ ઘરેથી જ ડિજિટલ માધ્યમથી ભાગ લીધો હતો. સાંસદ પાર્લામેન્ટમાં ફિઝિકલી હાજર રહે. ખેડૂત આંદોલનને સૌથી મોટી લેબર પાર્ટીનું સમર્થન મળ્યું છે. લેબર પાર્ટીના ૧૨ સાંસદ જેમાં લેબર પાર્ટીના પૂર્વ નેતા જેરેમી કોર્બીન પણ સામેલ હતા. તેઓએ પણ પહેલા એક ટ્વિટમાં ખેડૂતોનું સમર્થન કર્યું હતું.

આ ચર્ચા પર જવાબ આપવા નિયુકત કરાયેલા મંત્રી નેગલ એડમ્સે કહ્યું કે કૃષિ સુધાર ભારતનો ઘરેલૂ મુદ્દો છે. બ્રિટિશ મંત્રી અને અધિકારીઓ આ મુદ્દા પર ભારતીય સમકક્ષો સાથે સંપર્કમાં છે અને અવિશ્વસનીય રૂપે બારીકીના મુદ્દા પર નજર રાખી રહ્યા છે. મંત્રીએ કહ્યું કે ભારતની સાથે યૂએન સિકયોરિટી કાઉન્સિલ અને જી-૭ સમિટના સારા પરિણામ મળ્યા છે. બંને દેશના સંબંધ વૈશ્વિક સમસ્યાઓને ઉકેલવાના કામમાં આવશે. તેનાથી ભારત અને યૂકેમાં પણ સમૃદ્ઘિ આવશે. મંત્રીએ કહ્યું કે બંને દેશના સંબંધો સારા હોવા છતાં આપણે મુશ્કેલ મુદ્દાને ઉઠાવવાથી અટકીશું નહીં. તેઓએ આશા રાખી છે કે જલ્દી ભારત સરકાર ખેડૂત યૂનિયનની સાથે વાતચીતનું સકારાત્મક પરિણામ આવશે.

(10:28 am IST)
  • ઇડીએ મની લોન્ડરિંગના મામલામાં ઉત્તર પ્રદેશના પૂર્વ બસપા એમએલસી મોહમ્મદ ઇકબાલની ₹ 1,097 કરોડની સાત સુગર મિલો જપ્ત કરી છે. access_time 5:20 pm IST

  • કેન્દ્ર સરકારે દેશની ૪૪ કંપનીઓને ડિફેન્સ ક્ષેત્રમાં એફડીઆઈની મંજૂરી આપી: આ કંપનીઓ સીધું વિદેશી રોકાણ સ્વીકારી શકશે: એફડીઆઈ અંતર્ગત કંપનીઓને ૪૧૯૧ કરોડ રૂપિયા મળે તેવી શક્યતા: આ રકમ સંરક્ષણ ક્ષેત્રે ઉત્પાદન માટે ખર્ચાશે: રોકાણમાંથી એરક્રાફ્ટ, ડિફેન્સ સિસ્ટમ, રડાર સિસ્ટમ વગેરેનું દેશમાં જ નિર્માણ થઈ શકશે access_time 1:07 am IST

  • અખિલ ભારતીય સાધુ સમાજના સદસ્‍ય, કચ્‍છ સાધુ સમાજના અધ્‍યક્ષ અને નાથ સંપ્રદાય સાથે જોડાયેલ કચ્‍છના યોગી શ્રી પૂજ્‍ય દેવનાથ યોગીજીએ કોરોના રસીનો પ્રથમ ડોઝ લીધો access_time 11:31 am IST