Gujarati News

નવી દિલ્હી, તા.૮: નિકાસના મોરચે દેશ માટે મોટા સમાચાર આવ્યા છે. આરબ દેશોમાં ખાદ્યપદાર્થોની નિકાસમાં ભારતે બ્રાઝિલને પાછળ છોડી દીધું છે અને છેલ્લા ૧૫ વર્ષમાં આવું પહેલીવાર બન્યું છે. આરબ બ્રાઝિલ ચેમ્બર ઓફ કોમર્સે આ માહિતી આપી છે. ૧૫ વર્ષમાં પહેલીવાર આવું થવાનું કારણ એ છે કે કોવિડ-૧૯ મહામારીને કારણે વર્ષ ૨૦૨૦માં વેપાર પ્રવાહમાં વિક્ષેપ પડયો હતો.

જાણો શા માટે બ્રાઝિલ ભારતથી પાછળ છે

આરબ દેશો બ્રાઝિલ માટે સૌથી મહત્વપૂર્ણ વેપારી ભાગીદારોમાંના એક છે, પરંતુ કોવિડ રોગચાળાને કારણે આરબ દેશો અને બ્રાઝિલ વચ્ચેના અંતરે વૈશ્વિક લોજિસ્ટિકસ સેવાઓને અસર કરી છે. આ કારણે બ્રાઝિલ ખાદ્યપદાર્થોની નિકાસના મામલે ભારતથી પાછળ રહી ગયું.

બ્રાઝિલ દ્વારા જાહેર કરવામાં આવેલા આંકડા મુજબ, બ્રાઝિલના કુલ કૃષિ વ્યવસાયમાં ૨૨ લીગ સભ્યોનો હિસ્સો ૮.૧૫ ટકા હતો. જયારે ભારતે આ વેપારમાં ૮.૨૫ ટકા બજાર કબજે કર્યું છે.

ભારતે આ માર્કેટમાં પોતાનું વર્ચસ્વ સારી રીતે સ્થાપિત કર્યું છે જયારે આ મામલે બ્રાઝિલનો પ્રભાવ ઓછો થયો છે. આરબ લીગના કિસ્સામાં, જો આપણે બ્રાઝિલની કૃષિ નિકાસ પર નજર કરીએ, તો તે ગયા વર્ષે માત્ર ૧.૪ ટકાના દરે વૃદ્ઘિ પામી હતી, જે ગયા વર્ષે ૮.૧૭ બિલિયન હતી. તે જ સમયે, આ વર્ષના જાન્યુઆરીથી ઓકટોબર વચ્ચે બ્રાઝિલનો કુલ વેપાર ઼૬.૭૮ બિલિયન રહ્યો છે, એટલે કે તેમાં ૫.૫ ટકાનો વધારો જોવા મળ્યો છે. ચેમ્બરના ડેટા મુજબ લોજિસ્ટિકલ સમસ્યાઓના કારણે આવું થયું છે.

ગયા વર્ષે આ ક્ષેત્રમાં બ્રાઝિલના પાછળ રહેવા પાછળનું બીજું કારણ એ છે કે ચીને રોગચાળા દરમિયાન તેની ખાદ્ય સામગ્રીમાં વધારો કર્યો હતો. જેના કારણે બ્રાઝિલના વેપારને પણ અસર થઈ છે. ચેમ્બરે તેના ડેટામાં કહ્યું છે કે સાઉદી અરેબિયા હજુ પણ તેમની કૃષિ-ખાદ્ય નિકાસમાં મોટા ખેલાડીઓમાંથી એક છે, પરંતુ તે તેના સ્થાનિક ખાદ્ય ઉત્પાદનની ક્ષમતા વધારવા પર પણ કામ કરી રહ્યું છે.