Gujarati News

Gujarati News

News of Saturday, 8th September 2018

અમેરિકાના પ્રેસિડન્ટ ડોનાલ્ડ ટ્રમ્પ તથા ભારતીય સમૂદાયના અગ્રણી, સુવિખ્યાત તબીબ ડો.વિઠલભાઇ ધડુક વચ્ચે મુલાકાતઃ ડો.ધડુકએ સ્થાનિક ભારતીયોને નડતા પ્રશ્નો અંગે નિખાલસ તથા મિત્રતાભરી રજુઆત કરી મદદરૂપ થવા વિનંતી કરીઃ પ્રેસિડન્ટ ખુશખુશાલ

(દિપ્‍તીબેન જાની દ્વારા) ન્‍યુજર્સી :  અમેરિકાના પ્રેસિડન્ટ ડોનાલ્ડ ટ્રમ્પ થોડા સમય પહેલા પેન્સીલવેનિઆ આવ્યા હતા. આ સમયે તેમની સાથે મુલાકાત માટે આમંત્રિત કરાયેલા અગ્રણીઓમાં સુવિખ્યાત તબીબ તથા ભારતીય સમુદાયના અગ્રણી ડો.વિઠલભાઇ ધડુકનો પણ સમાવેશ કરાયો હતો.

આ આમંત્રણને માન આપી ડો.ધડુક પ્રેસિડન્ટ ટ્રમ્પને મળ્યા હતા. તથા તેમની સાથે ભારત દેશના થઇ રહેલો વિકાસ તથા અમેરિકામાં વસતા ભારતીયોને નડતા પ્રશ્નો અંગે નિખાલસ તથા મિત્રતાભરી ચર્ચાઓ કરી હતી. તેમજ તેમાં તેઓ (પ્રેસિડન્ટ ટ્રમ્પ) કઇ રીતે મદદરૂપ થઇ શકે તે અંગે સૂચનો કર્યા હતા.

બાદમાં ડોનાલ્ડ ટ્રમ્પ સાથે ફોટો સેશનનું આયોજન કરાયું હતું.જે સમયે ડો.ધડુક સાથે સુશ્રી રંજનબેન, સુશ્રી પાયલબેન, શ્રી દર્પણ તથા સુશ્રી મિશાબેન (ડો.ધડુકના પુત્રવધુ) હાજર રહ્યા હતા.

ઉલ્લેખનીય છે કે ડોનાલ્ડ ટ્રમ્પ અમેરિકાના પ્રેસિડન્ટ બન્યા પછીની ડો.ધડુક સાથેની આ તેમની ત્રીજી મુલાકાત હતી.

(9:46 pm IST)
  • યોગેન્દ્ર યાદવની તામિલનાડુ પોલીસે કરી ધરપકડઃ પોલીસ ઉપર મારપીટનો આરોપઃ સ્વરાજ ઇન્ડિયા પાર્ટીના નેતા યોગેન્દ્ર યાદવની તામિલનાડુ પોલીસે ધરપકડ કરીઃ તેઓ ખેડૂતો સાથે દેખાવોમાં સામેલ હતાં: યોગેન્દ્ર યાદવે પોલીસ ઉપર મારપીટનો આરોપ મુકયોઃ પોલીસે ફોન છીનવી લીધો, માર માર્યો અને પોલીસ વેનમાં ધકેલવાનો પ્રયાસ કર્યાનો પણ આરોપ. access_time 3:41 pm IST

  • સ્ટૂઅર્ટ બ્રોડ 432 વિકેટ સાથે રિચર્ડ હેડલીનો રેકોર્ડ તોડી આગળ નિકળ્યો: કપિલના રેકોર્ડથી વધુ દૂર નથી:બ્રોડની 432 વિકેટ થઈ: કપિલના નામે 434 વિકેટ નોંધાયેલી:ઈંગ્લેન્ડનો જેમ્સ એન્ડરસન સૌથી વધુ વિકેટ લેનારો બોલર :યાદીમાં તે 5મા નંબરે છે access_time 12:29 am IST

  • આપ સરકારના મહોલ્લા કિલનીક ઉપર યુનોના પૂર્વ વડા વારીવારી ગયાઃ દિલ્હીમાં મોહલ્લા કલીનીકથી ગદગદ થયા પૂર્વ યુએન ચીફઃ કેજરીવાલના કર્યા વખાણ : બાન કી મુને કહ્યું કે, તેઓ ગરીબ અને જરૂરીયાતમંદ લોકોના પ્રાથમિક સ્વાસ્થ્ય માટે જે સેવા આપી રહ્યા છે, તેમની પ્રતિબદ્ધતા અને દૃષ્ટિકોણથી ખૂબ જ પ્રભાવિત અને ગદ્દગદ થયા છે access_time 11:43 am IST