Gujarati News

નવી દિલ્હી : રસીકરણ નીતિમાં ફેરફાર કર્યા પછી હવે કેન્દ્ર સરકારે પણ રસીના ભાવમાં પણ ફેરફાર કર્યો છે, અને રસીના સુધારેલા દર જાહેર કર્યા છે. સરકાર દ્વારા જારી કરવામાં આવેલા સુધારેલા દર મુજબ, કોવિશિલ્ડની કિંમત 780 રૂપિયા (600 રસીની કિંમત + 5% GST + સર્વિસ ચાર્જ 150 રૂપિયા) હશે. તે જ સમયે, કૌવેક્સિનની કિંમત 1410 રૂપિયા (રૂ. 1200 ની કિંમત + 60 GST + રૂ. 150 સર્વિસ ચાર્જ) ની માત્રા દીઠ હશે. રશિયન બનાવટની રસી સ્પુટનિક-વીની ખાનગી હોસ્પિટલો માટે ડોઝ દીઠ રૂ. 1145 (રૂ. 948 રસી + 47 GST+રૂ. 150 સર્વિસ ચાર્જ) નો ખર્ચ થશે.

ઉંચા દરો વસૂલવા માટે ખાનગી કોવિડ રસીકરણ કેન્દ્ર સામે કડક કાર્યવાહી કરવામાં આવશે. કેન્દ્ર સરકારે રાજ્યોને કહ્યું છે કે સર્વિસ ચાર્જ માટે 150 રૂપિયાથી વધુ ખાનગી હોસ્પિટલો ન લે. રાજ્ય સરકારોએ તેમના પર નજર રાખવી પડશે.

કેન્દ્રીય આરોગ્ય મંત્રાલયે કહ્યું હતું કે, ખાનગી ક્ષેત્ર અને હોસ્પિટલો માટે કોવિડ -19 રસીના ભાવ રસી ઉત્પાદકો દ્વારા નક્કી કરવામાં આવશે. મંત્રાલયે એમ પણ કહ્યું હતું કે રાજ્યો ખાનગી ક્ષેત્રની માંગને એકત્રિત કરશે, તેનો અર્થ એ છે કે તે આ બાબતનું નિરિક્ષણ કરશે, કે તેની પાસે કેટલી સુવિધાઓનું નેટવર્ક છે, અને કેટલા ડોઝની જરૂર છે.

નિતી આયોગના સભ્ય ડો. વી.કે. પૌલે એમ પણ કહ્યું કે કેન્દ્રએ કોવિશિલ્ડના 25 કરોડ ડોઝ અને કૌવેક્સિનનાં 19 કરોડ ડોઝ ખરીદવાનો આદેશ આપ્યો છે. સરકારે બોયોલોજિકલ ઇ-રસીના 30 કરોડ ડોઝ ખરીદવાનાં આદેશ પણ આપ્યા છે, જે સપ્ટેમ્બર સુધીમાં મળી જશે.