Gujarati News

નવી દિલ્હી,તા. ૮: ઘણા રમૂજી વિડિઓઝ સોશિયલ મીડિયા પર શેર કરવામાં આવી છે. પરંતુ, કેટલાક વિડિઓઝ છે જે આશ્ચર્યજનક પણ છે. આવો જ એક વીડિયો સામે આવ્યો છે, જેણે લોકોને આશ્ચર્યચકિત તો કર્યા જ છે પણ લોકોને વિચારવા પણ મજબુર કરી દીધા છે કે શું ખરેખર આવું થાય છે? હવે તમે વિચારશો જ કે આ વીડિયોમાં એવું શું છે? તો ચાલો તમને જણાવી દઈએ કે કોઈ વ્યકિતએ તેના સમગ્ર પરિવારની સામે ૩૭ મી વખત લગ્ન કર્યા છે.

સોશિયલ મીડિયા પરનો એક વીડિયો આ દિવસોમાં લોકોમાં 'વાયરલ'છે. જેમાં એક વડીલના લગ્ન થઈ રહ્યા છે. પ્રથમ નજરમાં, આ લગ્ન સામાન્ય લાગે છે. પરંતુ, જયારે તેનું સત્ય બહાર આવ્યું ત્યારે લોકો આશ્ચર્યચકિત થઈ ગયા. એવું કહેવામાં આવી રહ્યું છે કે આ વૃદ્ઘ વ્યકિત ૩૭ મી વખત વરરાજા બની ગયો છે. આ પહેલા તેણે ૩૬ લગ્ન કર્યા છે. જેના કારણે તેમને ઘણા બાળકો અને પૌત્ર પૌત્રીઓ છે.

આ વીડિયોને સોશિયલ મીડિયાના વિવિધ પ્લેટફોર્મ પર શેર કરવામાં આવી રહ્યો છે. ભારતીય પોલીસ સેવા અધિકારી રૂપીન શર્મા દ્વારા આ વીડિયોને ટ્વિટર પર શેર કરવામાં આવ્યો છે. વીડિયો શેર કરતાં તેણે લખ્યું કે, આ વ્યકિત ૨૮ પત્નીઓ, ૧૩૫ બાળકો અને ૧૨૬ પૌત્ર પૌત્રીઓની સામે ૩૭ મી વખત લગ્ન કરી રહ્યો છે. આ માણસ ખૂબ જ બહાદુર છે. હવે આ વીડિયો વાયરલ થઈ રહ્યો છે અને લોકો તેની ઉપર જોરદાર કોમેન્ટ કરી રહ્યા છે.