Gujarati News

Gujarati News

News of Thursday, 8th April 2021

દિલ્હીમાં કોરોનાએ કહેર વર્તાવ્યો : 24 કલાકમાં રેકોર્ડબ્રેક 5500થી વધુ પોઝીટીવ કેસ નોંધાયા : 20 લોકોના મોત

મૃત્યુઆંક 11,133 થ; આજે 3363 દર્દીઓ સંક્રમણથી મુક્ત થયા

નવી દિલ્હીઃ રાજધાની દિલ્હીમાં ચાલી રહેલ કોરોનાની ચોથી લહેર વચ્ચે બેકાબૂ થતા સંક્રમણને કહેર મચાવ્યો છે. બુધવારે એક દિવસમાં પ્રથમવાર આ વર્ષે સર્વાધિક 5500થી વધુ નવા કેસ સામે આવ્યા અને 20 લોકોના મૃત્યુ થયા છે. દિલ્હીમાં હવે સંક્રમિતોનો કુલ આંકડો વધીને 6.90 લાખને પાર થઈ ગયો છે. આ સાથે પોઝિટિવિટી રેટ પણ વધીને 6 ટકાથી વધી ગયો છે. મંગળવારે રાજધાનીમાં 5100 નવા કેસ સામે આવ્યા હતા.

દિલ્હી સરકારના સ્વાસ્થ્ય વિભાગ તરફથી બુધવારે જારી હેલ્થ બુલેટિન પ્રમાણે છેલ્લા 24 કલાકમાં 5506 નવા કેસ આવ્યા અને 20 લોકોના મૃત્યુ થયા છે. આ સાથે મૃત્યુઆંક 11,133 થઈ ગયો છે. આજે 3363 દર્દીઓ સંક્રમણથી મુક્ત થયા છે, મંગળવારે આ સંખ્યા 2340 હતી.

સ્વાસ્થ્ય વિભાગ પ્રમાણે દિલ્હીમાં અત્યાર સુધી સંક્રમિતોની સંખ્યા 6,90,568 થઈ ગઈ છે. રાજ્યમાં 10048 દર્દીઓ હોમ આઈસોલેશનમાં છે.

રાજ્યમાં કોરોના વાયરસના એક્ટિવ કેસ વધીને 19,455 થઈ ગયા છે. તો અત્યાર સુધી 6,59,980 લોકો આ મહામારીને માત આપી સાજા થયા છે. આ સાથે મૃત્યુઆંક 11133 થઈ ગયો છે.

(11:54 pm IST)
  • મહારાષ્ટ્રના રાજકારણમાં ધડબડાતી : મુંબઇ એન્ટિલિયા કેસમાં રોજ નવા નવા ધડાકાઓ થઈ રહ્યા છે. મળતા અહેવાલો મુજબ સચિન વાજેએ કોર્ટમાં લેખિત નિવેદન આપીને નવો ખુલાસો કર્યો છે. તેણે આરોપ લગાવ્યો છે કે મહારાષ્ટ્રના પૂર્વ ગૃહ પ્રધાન અનિલ દેશમુખની સાથે પરિવહન પ્રધાન અનિલ પરબે પણ તેને ગેરકાયદેસર વસૂલાત માટે લક્ષ્યાંક આપ્યા હતા. access_time 11:29 pm IST

  • બાહુબલી ધારાસભ્ય મુખ્તાર અન્સારી પછી હવે પૂર્વ સાંસદ અતીક અહમદનો વારો : મુખ્તારને પંજાબની જેલમાંથી લાવ્યા પછી હવે માફિયા અતીકને ગુજરાતની જેલમાંથી લાવી યુ.પી. ભેગો કરાશે : યુ.પી.ના મંત્રી આનંદ સ્વરૂપ શુક્લનું બયાન access_time 2:01 pm IST

  • અમદાવાદમાં વધુ એક એસિડ એટેકની ઘટના : શારદાબેન હોસ્પિટલમાં લેબ ટેક્નિશયન પર એસિડ એટેક : શહેરકોટડા વિસ્તારમાં રહેતા એક શખ્શે બ્લડ ડોનેટ કરવા બાબતે તકરાર કરી હોસ્પિટલના લેબ ટેક્નિશિયન એસિડ એટેક કર્યો : હુમલો કરનાર વ્યક્તિ પ્રકાશ સોલંકી અનેક વખત બ્લડ ડોનેટ કરવા આવતો હતો ; સમગ્ર ઘટના સીસીટીવીમાં કેદ access_time 12:44 am IST