Gujarati News

Gujarati News

News of Thursday, 8th April 2021

ઇન્ડિયન અમેરિકન બિઝનેસમેન શ્રી જેસલ પટેલ લિંકનવુડ મેયરપદની રેસમાં : એશિયન અમેરિકન હોટલ ઓનરર્સ એસોસિએશન ( AAHOA ) તથા ઇન્ટરનેશનલ કાઉન્સિલ ઓફ શોપિંગ સેન્ટર્સ ( ICSC ) ના સમર્થનથી વિજેતા બનવાની ઉમ્મીદ

લિંકનવુડ , ઇલિનોઇસ :   લિંકનવૂડ મેયર બેરી બાસ આગામી સામાન્ય ચૂંટણી લડવાના ન હોવાથી ટ્રસ્ટી શ્રી જેસલ બી.પટેલ માટે મેયરપદનું સુકાન સંભાળવા માટેનો માર્ગ મોકળો થયો છે.

પટેલ લિંકનવુડમાં માત્ર 4 વર્ષના હતા ત્યારથી રહે છે. ભારતીય અમેરિકન રિયલ્ટર આજે પણ તે જ સરનામાં પર રહે છે જ્યારે તે તેમના બાયો અનુસાર લગભગ 40 વર્ષ પહેલાં અહીં સ્થાયી થયા હતા.

તેમણે  ફાઇનાન્સ-રીઅલ એસ્ટેટમાં સાયન્સની ડિગ્રી સાથે ઇન્ડિયાના યુનિવર્સિટીની બિઝનેસ સ્કૂલમાંથી સ્નાતકની ડિગ્રી મેળવી  છે. તેઓ  25 વર્ષથી વધુ સમયથી તેમની  પત્ની કેટ સાથે રહે છે અને તેઓને  ત્રણ નાના બાળકો છે .

પટેલનો ધંધો, પટેલ રિયલ્ટી, લિંકનવુડમાં સ્થિત છે અને રહેણાંક અને છૂટક સ્થાવર મિલકત વેચાણ અને રોકાણમાં નિષ્ણાંત છે. 2007 થી તેઓ લિંકનવૂડમાં ટ્રસ્ટી છે અને તેમણે અનેક ગામ સમિતિઓ અને બોર્ડમાં સંપર્કકાર્યો સંભાળ્યા  છે . જ્યારે નાણાકીય સમિતિના અધ્યક્ષ અને વટહુકમો, નિયમો અને ઇમારતો અંગેની સમિતિના પદ પણ સંભાળ્યા છે.

તેઓને   એશિયન અમેરિકન હોટલ ઓનરર્સ એસોસિએશન ( AAHOA ) અને ઇન્ટરનેશનલ કાઉન્સિલઓફ  શોપિંગ સેન્ટર્સ  ( ICSC ) નું સમર્થન હોવાથી વિજેતા બનવાની ઉમ્મીદ ધરાવે છે. ચૂંટણી ગઈકાલ 6 એપ્રિલના રોજ હતી.તેવું ઈ.વે.દ્વારા જાણવા મળે છે. 

(7:25 pm IST)
  • કોરોના રોગચાળો હવે પર્યાવરણ માટે પણ મોટો ખતરો બની ગયો છે. કોરોનાથી બચવાના ઉપાયમાં સિંગલ યુઝ માસ્ક અને પીપીઇ કીટ સૌથી મહત્વપૂર્ણ છે. દરરોજ કરોડોની સંખ્યામાં તેનો ઉપયોગ રોજ કરવામાં આવી રહ્યો છે, પરંતુ તેમને સુરક્ષિત રીતે નષ્ટ કરવા માટે કોઈ ફ્રેમવર્ક તૈયાર કરવામાં આવ્યું નથી. ખરાબ કે તૂટેલા માસ્ક વિશ્વભરમાં જમીન, સમુદ્ર અને નદીઓ માટે જોખમ બની ગયા છે. તબીબી કચરા તરીકે તેનો નાશ કરવાને બદલે, તેને ક્યાંય પણ ફેંકી દેવામાં આવી રહ્યા છે. access_time 10:04 pm IST

  • બાહુબલી ધારાસભ્ય મુખ્તાર અન્સારી પછી હવે પૂર્વ સાંસદ અતીક અહમદનો વારો : મુખ્તારને પંજાબની જેલમાંથી લાવ્યા પછી હવે માફિયા અતીકને ગુજરાતની જેલમાંથી લાવી યુ.પી. ભેગો કરાશે : યુ.પી.ના મંત્રી આનંદ સ્વરૂપ શુક્લનું બયાન access_time 2:01 pm IST

  • દેશમાં કોરોનાના કેસમાં ભયંકર ઉછાળો : અત્યાર સુધીના રેકોર્ડબ્રેક નવા કેસ નોંધાયા : એક્ટિવ કેસનો આંકડો 9 .74 લાખને પાર પહોંચ્યો :વધુ 802 દર્દીઓના મોત: રાત્રે 11 વાગ્યા સુધીમાં કોરોનાના નવા 1,31,787 કેસ નોંધાયા :કુલ કેસની સંખ્યા 1,30,57,863 :એક્ટિવ કેસ 9,74,174 થયા વધુ 61,797 દર્દીઓ સ્વસ્થ થતા કુલ 1,19,10, 709 થયા :વધુ 802 લોકોના મોત સાથે કુલ મૃત્યુઆંક 1,67,694 થયા: દેશમાં સૌથી વધુ મહારાષ્ટ્રમાં નવા 56,286 નવા કેસ નોંધાયા access_time 12:58 am IST