Gujarati News

Gujarati News

News of Friday, 7th December 2018

હિમાચલ પ્રદેશના મંડીથી પ૦ કિ.મી. દૂર પરાશર લેક પ્રવાસીઓના આકર્ષણનું કેન્‍દ્ર

દેવભૂમીના નામથી જાણિતા હિમાચલ પ્રદેશમાં અનેક સુંદર વેલી અને સોહામણા ટુરિસ્ટ પ્લેસ આવેલ છે. અહીંના મંદિરો દુનિયાભરના લોકો વચ્ચે આધ્યાત્મિક શાંતિ અને સીનિક બ્યુટી માટે ફેવરીટ છે. હિમાલયના પશ્ચિમમાં આવેલ હિમાચલ પ્રદેશના અનેક હિલ સ્ટેશન ટુરિસ્ટો વચ્ચે ખૂબ ફેસમ છે અને દરેક લોકો અહીં એકવાર તો આવવા માગે છે. પરંતુ કેટલાક એવા પણ લોકેશન છે જેની બ્યુટી અને સુંદરતાથી લોકો અજાણ હોય છે. જેના કારણે ખૂબ ઓછા લોકો અહીં આવે છે. આવી એક જગ્યા એટલે પરાશર લેક.

મંડીથી 50 કિમી દૂર

હિમાચલ પ્રદેશના મંડીથી માત્ર 50 કિમી દૂર છે સુંદર સ્થળ. પરાશર લેકની ઊંચાઈ સમુદ્ર સ્તરથી 8 હજાર 956 ફૂટ છે. લેક અંગે એવી માન્યતા છે કે મહર્ષિ પરાશરે અહીં બેસીને પૂજા-પાઠ અને મેડિટેશન કર્યું હતું. જગ્યા દુનિયાના અજૂબામાં સામેલ છે જેની સુંદરતા હરહંમેશ એક સમાન હોય છે. જગ્યા શાંતિ અને સીનિક બ્યુટીનો ખજાનો છે.

સુંદરતા મન મોહી લેશે

અહીંથી તમને પીર પંજાલ, ધૌલાધાર અને કિન્નોરી પર્વત શ્રૃંખલા જોવાનો મોકો મળશે. લેક પાસે એક ત્રણ માળનું પગોડા મંદિર પણ છે. જેનું નિર્માણ 13મી સદીમાં થયું હતું. જો તમે એડવેન્ચર ટ્રીપના શોખીન છો તો મિત્રો સાથે કે પછી એકલા પણ અહીંની ટ્રિપ કરી શકો છો. અહીં આવ્યાનો અનુભવ તમારા મનમસ્તિષ્ક પર વર્ષો સુધી એક છાપ છોડી જશે.

એડવેન્ચર ટ્રેકિંગનો આનંદ

આમ તો પરાશર લેક સુધીનું ટ્રેકિંગ ખાસ અઘરું નથી. તમે બગ્ગી ગામથી ચાલતા ચાલતા અહીં ઉપર સુધી પહોંચી શકો છો. અહીં પહોંચવા માટે 4-5 કલાકનો સમય લાગે છે. રસ્તામાં અનેક નાના નાના ગામ આવે છે. જો કોઈ મુશ્કેલી જણાય તો ગામના લોકો ખૂબ માયાળુ સ્વભાવ સાથે તમને મદદ કરવા તૈયાર રહે છે. જો તમે ઇચ્છો તો પરાશર લેક સુધી પહોંચીને અહીં તમે ખુલ્લા આકાશ નીચે ટેન્ટ નાખીને રહી શકો છો અથવા લેકથી થોડક દૂર ફોરેસ્ટ વિભાગ અને PWDના બે ગેસ્ટ હાઉસ છે જ્યાં રહી શકો છો.

કઈ રીતે પહોંચશો

દિલ્હીથી મંડી સુધીના 422 કિમીનો પ્રવાસ તમે કાર કે બસ મારફત પહોંચી શકો છો. પ્રવાસમાં તમને 12 કલાકનો સમય લાગી શકે છે. પરાશર લેક માટે સૌથી નજીકનું એરપોર્ટ ભુન્તર છે જે કુલ્લૂની પાસે આવેલ છે. તો નજીકનું રેલ્વે સ્ટેશન ચંડીગઢ છે. તમે તમારી સુવિધા અનુસાર અહીં આવવા માટે કોઈ ઓપ્શન પસંદ કરી શકો છો.

હિમાચલના સૌથી સુંદર પણ ઓછા જાણીતા સ્થળ

મંડીથી પહોંચી ગયા બાદ તમને બગ્ગી ગામ સુધી બસની સુવિધા મળી રહેશે. જગ્યા છે જ્યાંથી પરાશર લેક સુધી જવા માટે તમારે ટ્રેકિંગ શરુ કરવું પડશે. પ્રાઇવેટ ટેક્સી દ્વારા પણ મંડીથી બગ્ગી સુધી પહોંચી શકાય છે. અહીં તમને નાની-મોટી ચા-નાસ્તાની દુકાનો મળી રહેશે જ્યાંથી નાસ્તોપાણી પછી તમે ટ્રેકિંગ કરી શકશો.

(5:11 pm IST)
  • સોહરાબુદ્દીન એન્કાઉન્ટર કેસનો ૨૧મી ડિસેમ્બરે સ્પેશિયલ CBI કોર્ટમાં સંભળાવાશે ચુકાદો access_time 3:50 pm IST

  • મહેસાણા : ઉત્તર ગુજરાત વીજ કંપનીમાં જુનીયર આસિસ્ટન્ટની ભરતીનો મુદ્દો :ભરતીમાં ગેરરીતિ હોવાની ફરિયાદ બાદ કલાર્કને સસ્પેન્ડ કરાયો :ઉમેદવારોએ જવાબદારો સામે પગલા ભરવાની માંગ સાથે હોબાળો મચાવ્યો access_time 3:21 pm IST

  • દેશના પાંચ રાજ્યોની ધારાસભાની ચૂંટણીઓના એક્ઝિટ પોલ શરૂ : ટાઈમ્સ નાવ તથા CNX એક્ઝિટ પોલ મુજબ તેલંગાણામાં TRS સત્તા જાળવી રાખશે : MP માં ભગવો લહેરાશે : રાજસ્થાનમાં કોંગ્રેસનું શાસન આવશે :છત્તીસગઢમાં બી.જે.પી.નું શાસન જળવાઈ રહેવાની શક્યતા access_time 6:16 pm IST