Gujarati News

Gujarati News

News of Friday, 7th December 2018

ઈરાનથી આયાત થતા કાચા તેલની ચુકવણી રૂપિયામાં કરશે ભારત : બંને દેશોએ સહમતી માટેના MoU કર્યા

180 દિવસની છૂટ દરમિયાન વધારેમાં વધારે 3 લાખ બેરલ આયાત કરી શકશે

 

નવી દિલ્હી :ભારતે કાચા તેલની ખરીદીની ચૂકવણી ભારતીય ચલણ રૂપિયામાં કરવા માટે ઇરાન સાથે કરાર કર્યા છે. અમેરીકાએ ભારત અને અન્ય 7 દેશોને પ્રતિબંધ છતા ઇરાન પાસેથી કાચુ તેલ ખરીદવાની છૂટ આપી છે. ઇરાન પર પ્રતિબંધ 5 નવેમ્બરથી લાગૂ થયો છે. જે બાદ રૂપિયામાં ચૂકવણી માટે સહમતી માટેના MoU કરવામાં આવ્યા હતા.

સુત્રો પાસેથી મળતી માહિતી પ્રમાણે ભારતીય રિફાઇનરી કંપનીઓ, નેશનલ ઇરાનિયન ઓઇલ કંપનીના બેંક એકાઉન્ટમાં ભારતીય રૂપિયામાં ચૂકવણી કરશે. જેમાંથી અડધી રકમ ઇરાનને ભારત દ્વારા નિકાસ કરવામાં આવેલી વસ્તુના બદલામાં ચૂકવવામાં આવશે. અમેરીકાના પ્રતિબંધ હેઠળ ભારત દ્વારા ઇરાનને અનાજ, દવાઓ અને મેડિકલ ઇક્વિપમેન્ટની નિકાસ કરવામાં આવી શકે છે.

180 દિવસની છૂટ દરમિયાન ભારત પ્રતિદિવસ ઇરાન પાસેથી વધારેમાં વધારે 3 લાખ બેરલ કાચા તેલની આયાત કરી શકશે. વર્ષે ભારતના ઇરાન પાસેથી કાચા તેલની સરેરાશ આયાત 560,000 બેરલ પ્રતિદિવસ રહી છે.

 

(12:00 am IST)
  • દેશના પાંચ રાજ્યોની ધારાસભાની ચૂંટણીઓના એક્ઝિટ પોલ શરૂ : ટાઈમ્સ નાવ તથા CNX એક્ઝિટ પોલ મુજબ તેલંગાણામાં TRS સત્તા જાળવી રાખશે : MP માં ભગવો લહેરાશે : રાજસ્થાનમાં કોંગ્રેસનું શાસન આવશે :છત્તીસગઢમાં બી.જે.પી.નું શાસન જળવાઈ રહેવાની શક્યતા access_time 6:16 pm IST

  • પેરિસમાં વિરોધ પ્રદર્શનને પગલે એફિલ ટાવર પ્રવાસીઓ માટે બંધ કરાયો :છેલ્લા એક દાયકામાં સૌથી ખરાબ હિંસાના માહોલને ધ્યાને લઈને ફ્રાન્સની સુરક્ષા વ્યવસ્થા મજબૂત કરવા પોલીસની સંખ્યા 65 હજારથી વધારીને 89 હજાર કરી દેવાઈ access_time 12:45 am IST

  • ગીરસોમનાથ :તાલાલાના બોરવાવ ગામે પીતાની નજર સામે 8 વર્ષના પૂત્ર પર દિપડાએ કર્યો હુમલો:પિતાએ દીપડાનો પીછો કરતા ઇજાગ્રસ્ત પૂત્રને છોડી દીપડો નાસી છુટ્યો :વનવીભાગે બે પીંજરા મૂકતા હુમલાખોર દીપડો ઝડપાયો access_time 3:30 pm IST