Gujarati News

Gujarati News

News of Thursday, 6th December 2018

આવતા વર્ષથી ‘આદી અમરનાથ’ના પણ દર્શન થઈ શકશે ::ઉત્તરાખંડના તિમરસેન હિલ પર બને છે બરફનું શિવલિંગ :વસંત પચમીથી યાત્રા શરૂ

ઉત્તરાખંડ સરકાર વર્ષ 2019થી અમરનાથ યાત્રા જેમ જ ‘આદી અમરનાથ યાત્રા’ શરૂ કરવા જઈ રહી છે. આ યાત્રામાં ઉત્તરાખંડની નીતિ વેલીના તિમરસેન સુધી યાત્રીઓ જઈ શકશે, જ્યાં શિયાળામાં બરફનું શિવલિંગ બને છે.

  ઉત્તરાખંડમાં ઘણા ધાર્મિક સ્થળ આવેલા છે. અહીં વર્ષે લાખો યાત્રીઓ આવે છે. એવું માનવામાં આવી રહ્યું છે કે, ‘આદી અમરનાથ યાત્રા’ શરૂ થવાથી ઉત્તરાખંડના પ્રવાસન ઉદ્યોગને વેગ મળશે. ડેપ્યુટી ડાયરેક્ટર ઓફ ટુરિઝમ યોગેન્દ્ર કુમાર ગંગવારે જણાવ્યું કે, આ યાત્રા વસંત પચમીના દિવસે એટલે કે, 10 ફેબ્રુઆરીથી શરૂ થાય તેવી શક્યતા છે અને તે 4થી માર્ચ સુધી ચાલશે.
  નીતિ ગામના લોકોનું માનવું છે કે, તિમરસેન હિલ પર બરફનું શિવલિંગ બને છે. લોકોનું એવું પણ માનવું છે કે, કૈલાસ જતા પહેલા ભગવાન શિવ અહીં રોકાયા હતા અને આરામ કર્યો હતો.
  નીતિ ગામમાં એક સમયે 250 પરિવારો રહેતા હતા, પણ રોજગારની શોધમાં ધીરે-ધીરે ગામ છોડવા લાગ્યા અને હવે અહીં માત્ર 35 પરિવાર જ રહ્યા છે. એટલું જ નહીં, શિયાળામાં વધારે બરફ પડે ત્યારે અહીંના લોકો બાજુના ગામમાં જતા રહે છે અને જૂન મહિનામાં પાછા આવે છે. પણ, હવે આ યાત્રા શરૂ થવાથી અહીંના લોકોને નિશ્વિત આવક મળતી થશે. અહી યાત્રીઓ માટે હોમસ્ટેની સુવિધા શરૂ કરવાની યોજના પર પણ તંત્ર વિચારણા કરી રહ્યું છે.

(12:03 am IST)
  • સુરતની ઓલપાડ મામલતદાર કચેરીમાં ઘટના: સુરત કલેકટરનો વેચાણ પરવાનગી આપતો ખોટો હુકમ બનાવી ખોટો રાઉન્ડ વારો સિક્કો મારી જમીન પચાવી પાડવાનું કાવતરું બહાર આવ્યું :ઓલપાડના સોંસક ગામે આદિવાસીની ૭૩-એએ ની જમીન પચાવી પાડવા રચાયું કાવતરું: ઓલપાડ મામલતદારએ ઓલપાડ પોલીસ સ્ટેશન નોંધાવી ફરિયાદ: કીર્તિભાઈ પટેલ, દલશુખ નારોલા- કતારગામ - સુરત, ભરત ભાઈ નામના ત્રણ ઈસમો સામે નોંધાવી ફરિયાદ: સમગ્ર મામલે ઓલપાડ પોલીસે વધુ તપાસ હાથ ધરી. access_time 9:29 pm IST

  • સ્મૃતિ ઇરાનીનો મજાકિયો અંદાજ : ભગવાન મને ઉઠાવી લે : મને નહી મારા વજનને : સ્મૃતિ ઇરાનીની ઇન્સ્ટાગ્રામ એકાઉન્ટમાં તસ્વીર શેયરઃ તસ્વીરમાં પતિ જુબીન ઇરાની પણ સામેલ : પતિ જુબિન ઇરાનીએ મજાકમાં કહ્યુ આને પણ ઉઠાવી લ્યો : પતિ જુબીન ઇરાની પોસ્ટ પર કોમેન્ટ કરી : તે કયારેય ઇચ્છતા નથી એને ઉઠાવી લે : જીંદગીના ચઢાવ ઉતાર છેઃ કોઇ મને પૂછે, એમણે આગળ લખ્યુ મારા બાળકોની મા તમે બેહતરીન છોઃ સ્મૃતિ ઇરાનીએ આભાર માન્યો access_time 12:02 am IST

  • દેશના પાંચ રાજ્યોની ધારાસભાની ચૂંટણીઓના એક્ઝિટ પોલ શરૂ : ટાઈમ્સ નાવ તથા CNX એક્ઝિટ પોલ મુજબ તેલંગાણામાં TRS સત્તા જાળવી રાખશે : MP માં ભગવો લહેરાશે : રાજસ્થાનમાં કોંગ્રેસનું શાસન આવશે :છત્તીસગઢમાં બી.જે.પી.નું શાસન જળવાઈ રહેવાની શક્યતા access_time 6:16 pm IST