Gujarati News

અમદાવાદ : વાહન ચાલકોને મોટી રાહત મળી છે રાજ્ય  સરકારે કોરોનાને કારણે ડ્રાઈવિંગ લાયસન્સ અને આરસી બુક સહિતના દસ્તાવેજોની વેલિડિટી 31 ઓક્ટોબર 2021 સુધી લંબાવવાનો નિર્ણય કરવામાં આવ્યો છે.

વાહન વ્યવહાર કમિશનરે અખબારી યાદીમાં આ માહિતી આપી છે. ભારત સરકારના રોડ ટ્રાન્સપોર્ટ અને હાઇવે મંત્રાલયની એડવાઇઝરી મુજબ તા. 01/08/2020 મુદત વીતી ગયેલા દસ્તાવેજો તા.31/10/2021 સુધી એન્ફોર્સમેન્ટ પૂરતા માન્ય રાખવા જણાવવામાં આવ્યુ છે.

એન્ફોર્સમેન્ટની કામગીરી દરમિયાન એન્ફોર્સમેન્ટ અધિકારી-કર્મચારીઓએ આ એડવાઇઝરીને ધ્યાનમાં રાખી એન્ફોર્સમેન્ટની કામગીરી કરવાની રહેશે તેમ યાદીમાં વધુમાં જણાવવામાં આવ્યું છે