Gujarati News

મુરાદાબાદ,તા.૭: ઉત્ત્।ર પ્રદેશના મુરાદાબાદમાં એક સગીરા સાથે તેના મા-બાપની હાજરીમાં જ ગેંગરેપની ઘટના સામે આવી છે. સગીરાનો ભાઈ ૧૦ દિવસ પહેલાં જ ગામમાં રહેતી પ્રેમિકાને લઈને ફરાર થઈ ગયો હતો. ભારે હોબાળા બાદ પણ આ પ્રેમી પંખીડુ હાથમાં ના આવ્યું. તો પ્રેમિકાના ઘરના લોકોએ શબક શીખવાડવાનું નક્કી કર્યું. પ્રેમિકાના ઘરના લોકોએ પ્રેમીના પૂરા પરિવારનું અપહરણ કરી લીધું. એટલું જ નહીં સગીર બહેન સાથે ગેંગરેપ આચર્યા બાદ તેનાથી મોટી ઉંમરની વ્યકિત સાથે જબરદસ્તી લગ્ન પણ કરાવી દીધા.

આ શર્મસાર ઘટના મુરાદાબાદના છજલૈટ વિસ્તારની છે. ગામમાં રહેતી અને ગેંગરેપનો શિકાર બનેલી સગીરાનો ભાઈ પાડોશમાં રહેતી એક યુવતી સાથે પ્રેમમાં હતો. ૨૭ જૂને બંને ઘરેથી ફરાર થઈ ગયા. પ્રેમિકાના ઘરના લોકોએ તેમને શોધવાનો પ્રયાસ કર્યો, પરંતુ તેઓ ના મળતા બદલો લેવાનું નક્કી કર્યું. ૨૮ જૂને પ્રેમિકાના ઘરના લોકોએ યુવકના મા-બાપનું અપહરણ કર્યું અને અમરોહામાં એક સંબંધીના ઘરે લઈ ગયા બાદ તેઓને બંધક બનાવી દીધા. એ પછી મા-બાપની સાથે ફોન પર વાતચીત કરાવીને સગીર દીકરીને પણ અમરોહા બોલાવી લીધી. અમરોહા પહોંચ્યા બાદ ૧૬ વર્ષની સગીરા સાથે પ્રેમિકાના પતિ, ભાઈ, કાકા અને મામા સહિત આઠ લોકોએ ગેંગરેપ કર્યો.

છાજલૈટ પોલીસ સ્ટેશનમાં દાખલ કરવામાં આવેલી ફરિયાદ મુજબ, પીડિતાના પિતાએ જણાવ્યું કે, આ દબંગ લોકોએ તેમને અને તેની પત્નીને બંધક બનાવીને અમરોહામાં રાખ્યાં. ધમકી આપીને દીકરીને ફોન લગાવ્યો. જયારે તે અમરોહા પહોંચી તો તેને પણ બંધક બનાવી દેવામાં આવી. એ પછી આ નરાધમોએ ગેંગરેપની ઘટનાને અંજામ આપ્યો.

પીડિત પરિવાર દબંગોના કબજામંથી છૂટીને આવ્યા બાદ ૪ જુલાઈએ પોલીસને સમગ્ર ઘટનાની જાણ કરી. પોલીસ સ્ટેશનના ઈન્ચાર્જ સુનીલ કુમારે જણાવ્યું કે, ૫ જુલાઈએ કુલ આઠ લોકો વિરૂદ્ઘ ફરિયાદ દાખલ કરવામાં આવી છે.

સમગ્ર ઘટનાની તપાસ કર્યા બાદ એસ.આઈ. વિપિન કુમારે જણાવ્યું કે, પોલીસની પ્રાથમિક તપાસમાં સામે આવ્યું કે, ઘટના અમરોહા રેલવે સ્ટેશન પાસે બની હતી. પીડિતાના પિતાને આ જગ્યા વિશે વધારે જાણકારી નથી. પરંતુ પોલીસ દ્વારા આરોપીઓને ઝડપી પાડવા પ્રયાસ હાથ ધરવામાં આવ્યા છે. અમરોહામાં જે જગ્યાએ ઘટના બની હતી ત્યાં આરોપીઓના સગા વ્હાલા રહે છે.