Gujarati News

કોરોના વાયરસના જંગ સામે સંપૂર્ણ વિશ્વ જંગ લડી રહ્યું છે. આ દરમિયાન અમિતાભ બચ્ચન, રજનીકાંત, ચિરંજીવી, પ્રિયંકા ચોપરા, રણબીર કપૂર, આલિયા ભટ્ટ સહિત બોલીવૂડની ટોચની દ્યણી હસ્તીઓ સાથે મળીને  કોરોના વાયરસ માટે જાગરૂકતા ફેલાવા સાથે મળી છે.

કોરોના વાયરસની આ કટોકટીમાં આખો દેશ એક સાથે ઉભો જોવા મળે છે. તાજેતરમાં જ ફિલ્મ ઉદ્યોગના લોકોએ સાથે મળીને એક ગીત બનાવ્યું છે, જેની પ્રશંસા હવે પીએમ નરેન્દ્રભાઇ મોદીએ કરી છે. વડા પ્રધાન નરેન્દ્રભાઇ મોદીએ ફિલ્મ ઉદ્યોગની આ સકારાત્મક પહેલની પ્રશંસા કરી છે અને તેને તેના ટ્વિટર હેન્ડલ પર શેર કરી છે.

વડા પ્રધાન નરેન્દ્રભાઇ મોદીએ ટ્વીટમાં ગીતની કડી શેર કરી અને લખ્યું કે, ' ફિર મુસ્કુરાયેગા ઇન્ડિયા..ફિર જીત જાયેગા ઇન્ડિયા'. ફિલ્મ ઈન્ડસ્ટ્રી દ્વારા પ્રશંસનીય પહેલ. તમને જણાવી દઈએ કે આ ગીત દર્શકોને પણ ખૂબ પસંદ આવી રહ્યું છે. આ ગીત થોડા કલાકોમાં ૬ લાખથી વધુ વખત જોવામાં આવ્યું છે.

ઉપરાંત કોવિડ ૧૯ પરએક શોર્ટ ફિલ્મ બનાવામા આવી છે, જેમાં  કોરોના વાયરસથી બચવા જાગરૂકતા ફેલાવામાં આવી છે. આ ટૂંકી ફિલ્મનું શિર્ષક ફેમિલિ રાખવામાં આવ્યું છે.

આ ફિલ્મને પ્રસૂન પાંડેએ દિગ્દર્શિત કરી છે, જેમાં અમિતાભ બચ્ચને પણ સહયોગ આપ્યો છે. આ ફિલ્મમાં ઘર પર રહેવા, સુરક્ષિત રહો, સ્વચ્છતા, ઘરથી કામ કરવું અને સામાજિક અંતર જાળવવું કેટલું કારગર છે તેની સમજણ આપવામાં આવશે.પ્રસૂન દ્વારા બનાવેલી આ ફિલ્મના દિગ્દર્શનમાં દરેક કલાકારોનો સહયોગ છે. આ ફિલ્મમાં કામ કરતા કલાકારોની વિચારધારા પણ એક સરખી જ છે.