Gujarati News

વોશિંગ્ટન, તા.૬ : ઘણી અમેરિકન ટીવી ચેનલોએ ગુરુવારે મોડી રાત્રે રાષ્ટ્રપ્રમુખ ડોનાલ્ડ ટ્રમ્પનું લાઈવ કવરેજ અચાનક બંધ કરી દીધું. ટીવી ચેનલોનો આરોપ છે કે રાષ્ટ્રપ્રમુખ ટ્રમ્પ ચૂંટણીમાં થઈ રહેલી હારને જોતા ઘણા બધા ખોટા આરોપો લગાવી રહ્યા હતા અને ચેનલો દ્વારા ખોટી સૂચનાઓ આપી રહ્યા હતા. અમેરિકન રાષ્ટ્રપ્રમુખ ચૂંટણી સંપન્ન થયા બાદ ડોનાલ્ડ ટ્રમ્પનું આ પહેલું સાર્વજનિક સંબોધન હતું.

ટ્રમ્પે ૧૭ મિનિટના પોતાના સંબોધનમાં ઘણા બધા નિરાધાર દાવાઓ કર્યા અને ઉશ્કેરણીજનક વાતો કહી. તેમણે ભાર આપીને કહ્યું કે, ડેમોક્રેટ્સ ગેરકાયદે વોટનો ઉપયોગ કરીને અમારી પાસેથી ચૂંટણી ચોરી કરવાનો પ્રયાસ કરી રહ્યા છે. ટ્રમ્પનું આ નિવેદન એવા સમયે આવ્યું જ્યારે ચૂંટણીના મેદાનમાં તેમના પ્રતિદ્વંદ્વી અને ડેમોક્રેટ્સ ઉમેદવાર જો બાયડન જીત તરફ આગળ વધી રહ્યા છે.

એમએસએનબીસી ટીવી ચેનલના એક્નર બ્રેન વિલિયમ્સે લાઈવ કવરેજ દરમિયાન દખલ આપતા કહ્યું કે, ઠીક છે, અહીં અમે એકવાર ફરીથી ન માત્ર અમેરિકન રાષ્ટ્રપ્રમુખનું લાઈવ ટેલિકાસ્ટ અટકાવી રહ્યા છીએ, અમે જાણીએ છીએ ત્યાં સુધી કોઈ ગેરકાયદે વોટ નથી. આ બાદ નેટવર્કે તરત જ રાષ્ટ્રપ્રમુખનો લાઈવ પ્રોગ્રામ બંધ કરી દીધો. આ ઉપરાંત એનબીસી અને એબીસી ન્યૂઝે પણ રાષ્ટ્રપ્રમુખ ટ્રમ્પનો લાઈવ પ્રોગ્રામ બંધ કરી દીધો. સીએનએનના જેક ટેપરે કહ્યું, સંયુક્ત રાજ્ય અમેરિકાના લોકો માટે આ એક દુઃખદ રાત હતી, જ્યારે લોકોએ રાષ્ટ્રપ્રમુખની ચૂંટણીમાં ચોરી કરાવવાનો ખોટો આરોપ લગાડતા જોયો. એન્કરે કહ્યું કે, રાષ્ટ્રપ્રમુખે જૂઠાણા પર જૂઠાણું બોલીને ચૂંટણીમાં ચોરી થઈ હોવાની વાત કોઈ પૂરાવા વિના હસતા મોઢે કરી' જે દુર્ભાગ્યપૂર્ણ છે. ટ્રમ્પે એક પ્રેસ કોન્ફરન્સને સંબોધિત કરતા કહ્યું હતું કે, જો તમે લીગલ વોટ ગણો છો તો હું આરામથી જીતી રહ્યો છું. પરંતુ જો તમે ગેરકાયદે વોટ ની ગણતરી કરશો તો તે (ડેમોક્રેટ) તેના દ્વારા અમારી પાસેથી જીત છીનવી લેવાનો પ્રયાસ કરી શકે છે. હું ઘણા રાજ્યોમાં ઐતિહાસિક માર્જિન સાથે જીતી ચૂક્યો છું.

ટ્રમ્પે ઓપિનિય પોલ્સને ફેક બતાવતા કહ્યું હતું કે, ઓપિનિયન પોલ્સ કરનારા જાણી જોઈને દેશમાં બ્લૂ વેવ (ડેમોક્રેટના પક્ષમાં) બતાવી. હકીકતમાં એવી કોઈ વેવ હતી જ નહીં. પરંતુ સમગ્ર દેશમાં મોટી રેડ વેવ (રિપબ્લિકનના પક્ષમાં) છે, તેનો મીડિયાને પણ અંદાજો હતો જાણી જોઈને (રિપબ્લિકનના પક્ષમાં) છે, તેનો મીડિયાને પણ અંદાજો હતો પરંતુ અમને તેનો ફાયદો ન થયો.