Gujarati News

લખનૌ : સમાજવાદી પાર્ટીમાં રવિવારે ઘણા નેતા સામેલ થયા હતા જેમાં આઝમગઢના પૂર્વ સાંસદ રમાકાંત યાદવ પોતાના અનેક સમર્થકોની સાથે સમાજવાદી પાર્ટીમાં જોડાયા હતા રમાકાંત યાદવના પુત્રી આઝમગઢની ફૂલપુર બેઠક પરથી ભાજપના ધારાસભ્ય છે

    રમાકાંત યાદવે 2014માં મુલાયમ સિંહ યાદવ વિરૂદ્ધ ચૂંટણી લડી હતી. આ ઉપરાંત આંબેડકરનગર જિલ્લા પંચાયતના આઠ સભ્યો પણ સમાજવાદી પાર્ટીમાં સામેલ થયા. તેમજ પૂર્વ સાંસદ ફૂલન દેવીની બહેન રુકમણી નિષાદે પણ સપા જોઇન કરી.

    આ પ્રસંગે પાર્ટી અધ્યક્ષ અખિલેશ યાદવે કહ્યું કે આગામી સમયમાં ઘણા નેતા સમાજવાદી પાર્ટીમાં સામેલ થશે. જો બધાની મદદ મળશે તો 2022માં ભાજપને હરાવવામાં સફળ થઇશું.