Gujarati News

નવી દિલ્હી તા. ૫ : ટ્વિટર પર સૌથી વધુ ફોલો કરનારા ભારતીય બન્યાના એક વર્ષ બાદ વડાપ્રધાન નરેન્દ્ર મોદીને હવે ૩૭.૫ કરોડ લોકો ફોલો કરે છે. છેલ્લા એક વર્ષમાં જીએસટી, મન કી બાત, રાષ્ટ્રપતિ ચુંટણી અને નોટબંધીના એક વર્ષ જેવા હેશટેગ ચાલ્યા છતાં વડાપ્રધાનને ફોલો કરતા લોકોની સંખ્યામાં ૫૧ ટકાનો વધારો થયો છે.

વર્ષ ૨૦૧૭માં સૌથી વધુ ચર્ચિત વિષયો વિશે પૂછવા પર ટ્વિટર ઇન્ડીયાના કંટ્રી ડાયરેકટર તરનજીતસિંહે કહ્યું, વડાપ્રધાને પોતાની નંબર પોઝીશન બનાવી રાખી છે. સાથે જ સચિન તેંડુલકર અને વિરાટ કોહલી જેવા ક્રિકેટ સ્ટાર પણ ટોપ ટેનમાં સામેલ છે.

આશ્ચર્ય એ છે કે, ટોપ ટેનની લિસ્ટમાં પ્રિયંકા ચોપડા અને એઆર રહેમાન રહ્યા નથી. જોકે અક્ષયકુમારને ફોલો કરતી સંખ્યામાં ભારે વધારો થયો છે અને તેઓએ વર્ષ ૨૦૧૭માં આમિરખાનને પાછળ મુકી દીધા.(૨૧.૧૮)