Gujarati News

નવી દિલ્હી :રશિયન અભિનેત્રી અને દિગ્દર્શક  અવકાશમાં વિશ્વની પ્રથમ ફિલ્મના શૂટિંગ માટે પોતાની અવકાશ યાત્રા પર નીકળ્યા હતા. અભિનેત્રી યુલિયા પેરેસિલ્ડ અને ડિરેક્ટર ક્લિમ શિપેન્કો મંગળવારે રશિયન સોયુઝ અવકાશયાન પર આંતરરાષ્ટ્રીય અવકાશ મથક માટે રવાના થયા. અનુભવી પ્રવાસી એન્ટોન શક્પ્લેરોવ, જેમણે ત્રણ અવકાશ યાત્રા પૂર્ણ કરી છે, તે પણ તેમની સાથે રવાના થયા હતા.

અવકાશયાન સોયુઝ એમએસ -19 શેડ્યૂલ મુજબ બપોરે 1:55 કલાકે કઝાખસ્તાનના  બૈકોનુરમાં રશિયન સ્પેસ લોન્ચ ફેસિલિટીમાંથી ઉપડ્યું. અવકાશ અધિકારીઓએ કહ્યું કે, અવકાશયાનના તમામ સભ્યો સારો અનુભવી કરી રહ્યા છે અને અવકાશ યાનની તમામ સિસ્ટમો સામાન્ય રીતે કામ કરી રહી છે. અભિનેત્રી યુલિયા અને દિગ્દર્શક શિપેન્કો ત્યાં એક નવી ફિલ્મ “ચેલેન્જ” નો એક ભાગ ફિલ્માવશે. ફિલ્મમાં ડોક્ટરનો રોલ કરનારી યુલિયા હૃદયની બીમારીથી પીડાતા ક્રૂ મેમ્બરને બચાવવા માટે સ્પેસ સ્ટેશનની મુસાફરી કરે છે.

આ લોકો 12 દિવસ સુધી સ્પેસ સ્ટેશન પર રહ્યા બાદ બીજા અવકાશયાત્રી સાથે પરત ફરશે. આ પ્રથમ વખત છે જ્યારે કોઈ ફિલ્મ અવકાશમાં શૂટ કરવામાં આવી રહી છે. ઉડાન ભરતા પહેલા સોમવારે એક પત્રકાર પરિષદમાં અભિનેત્રી યુલિયા પેરેસિલ્ડે સ્વીકાર્યું હતું કે તાલીમ દરમિયાન કડક શિસ્ત અને અઘરી તાલીમનો સામનો કરવો મુશ્કેલ હતો. અભિનેત્રીએ કહ્યું, ‘તે માનસિક, શારીરિક અને તમામ સ્વરૂપે મુશ્કેલ હતું જે યાદ રહેશે.’

ઘણી વ્યાપારી રીતે સફળ ફિલ્મો બનાવનાર શિપેન્કો (38) એ પણ વર્ણવ્યું કે માત્ર ચાર મહિનામાં સ્પેસશીપમાં ઉડવાની તેની તાલીમ ખૂબ જ મુશ્કેલ હતી. “તે સાચું છે કે, આપણે પ્રથમ પ્રયાસમાં અને ક્યારેક ત્રીજા પ્રયાસમાં પણ ઘણું કરી શકતા નથી, પરંતુ આ સામાન્ય છે.” એક મહત્વપૂર્ણ ભૂમિકા ભજવી. આ બાબતે રશિયન મીડિયાની ટીકાને ફગાવી દેતા તેમણે તેને અંતરિક્ષ ક્ષેત્રે દેશ માટે ગૌરવની બાબત ગણાવી હતી.