Gujarati News

Gujarati News

News of Wednesday, 5th May 2021

ઘણુ જીવો લંકેશ...

‘‘રાવણ’’ના પાત્રથી જગવિખ્યાત અરવિંદ ત્રિવેદીનાં નિધનની સોશ્યલ મિડીયામાં અફવાઃ ગયા વર્ષે ફેસબુક ઉપર વાયરલ થયેલી અફવાને આ વર્ષે પણ કોઈએ વાયરલ કરી

રાજકોટ તા. પઃ સુપ્રસિદ્ધ અદાકાર અને રાવણ તરીકે જગ પ્રસિદ્ધ અભિનેતા અરવિંદ ત્રિવેદીના નિધન થયાની ભારે અફવા સોશિયલ મીડિયા ઉપર ચાલી રહી છે.

ઇ-સાઇબર પ્લાનેટ ડોટ કોમ વેબસાઇટના જણાવ્યા પ્રમાણે અરવિંદભાઇ બિલકુલ સહી સલામત છે.

સોશ્યલ મિડીયામાં અરવિંદ ત્રિવેદી (લંકેશ)ના સમાચાર વાયરલ થયા બાદ આ અંગે તેમના ભત્રીજા કૌસ્તુભભાઈ ત્રિવેદીએ અકિલાને જણાવ્યુ હતુ કે, ગયા વર્ષે સોશ્યલ મિડીયામાં તા. ૪ મેના રોજ અરવિંદભાઈના સમાચાર વાયરલ થયા હતા તે જ સમાચાર ફરી એક વર્ષ બાદ સોશ્યલ મિડીયામાં વાયરલ થયા છે. આ સમાચાર ખોટા છે અને અરવિંદભાઈ ત્રિવેદી મુંબઈમાં જ પોતાના ઘરે સ્વસ્થ છે. અરવિંદભાઈએ કોરોના વેકસીનનો પ્રથમ ડોઝ પણ લઈ લીધો છે. તેમનો રીપોર્ટ પણ કરાવવામાં આવ્યો હતો જે નેગેટીવ આવ્યો છે. હાલમાં ૮૨ વર્ષની ઉંમરે તેઓ પ્રભુભકિત કરી રહ્યા છે. આ અંગે અમદાવાદના અભિલાષભાઈ ઘોડાએ પણ આ સમાચાર ખોટા હોવાની માહિતી આપી હતી.(૨-૧૬)

(1:32 pm IST)
  • મહેસાણા શહેરની જાહેર જનતાને જણાવવાનુ કે, કોરોના વાયરસના વધતા સંક્રમણને અટકાવવા માટે ગૃહ વિભાગ, ગાંધીનગર (ગુજરાત સરકાર) ના જાહેરનામા ક્રમાંક વિ-૧૧૦૨૦૨૦ ૪૮૨-૭ તા.૪૨૦૨૧ મુજબ તા.૧૨,૦૫/૨૦૧ સુધી ફકત મેડીકલ સ્ટોર, દુધ કેન્દ્ર, કરીયાણાની દુકાની, અનાજ દળવાની ઘંટી તથા જાહેરનામા માં પરવાનગી આખ્યા મુજબના એકમો જ ખુલ્લા રાખી શકાશે. આ સિવાયના તમામ એકમો બંધ રાખવાના રહેશે અને જો જાહેરનામા માં મંજુરી આપ્યા સિવાયના એકમો ખુલ્લા જણાશે તો જાહેરનામા નાં ભંગ બદલની કાર્યવાહી ક૨વામાં આવશે તથા સેવા એકમો સીલ ક૨વામાં આવશે. જેની તમામ વેપારી એકમોએ નોંધ લેવી. access_time 8:58 pm IST

  • કોરોનાના વધતા કેસને લઇને કેન્દ્રીય ચૂંટણીપંચનો નિર્ણય : 3 લોકસભા અને 8 વિધાનસભાની બેઠકો પર થનારી પેટાચૂંટણી મોકૂફ access_time 11:27 pm IST

  • મહારાષ્ટ્રમાં કોરોના ધીમે ધીમે શાંત પડી ગયો છે, ૨૪ કલાકમાં નવા ૫૧ હજાર કેસ નોંધાયા કર્ણાટકમાં મોટો વિસ્ફોટ ૪૪ હજાર નવા કેસ: કેરળમાં ૩૭ હજાર: યુપીમાં ૨૫ હજાર: તામિલનાડુમાં ૨૧ હજાર: બેંગ્લોર ૨૦ હજાર: આંધ્ર ૨૦ હજાર: દિલ્હી ૨૦ હજાર: પશ્ચિમ બંગાળ ૧૭ હજાર: રાજસ્થાન ૧૬ હજાર: છત્તીસગઢ ૧૫ હજાર: બિહાર ૧૪ હજાર: હરિયાણા ૧૪ હજાર: ગુજરાત ૧૩ હજાર: અને મધ્યપ્રદેશમાં ૧૨ હજારથી વધુ નવા કોરોના કેસ નોંધાયા: મહારાષ્ટ્રના પૂણેમાં ૮ હજાર: મુંબઈમાં ૨૫૦૦, જ્યારે અમદાવાદમાં ૪૬૯૩, સુરત ૧૨૧૪, રાજકોટ ૫૯૩ અને વડોદરા ૫૬૩ નવા કેસ સવાર સુધીમાં નોંધાયા છે access_time 10:51 am IST