Gujarati News

Gujarati News

News of Tuesday, 4th May 2021

યોગી આદિત્યનાથને ફરી મળી મારી નાખવાની ધમકીઃ ૪ દિવસ બચ્યા છે જે કરવું હોય કરી લો

લખનઉ, તા.૪:  ઉત્તર પ્રદેશના મુખ્યમંત્રી યોગી આદિત્યનાથને ફરી એક વાર જીવથી મારી નાખવાની ધમકી મળી છે. ઉત્તર પ્રદેશ પોલીસની ઇમરજન્સી સેવા ડાયલ ૧૧૨ના વોટ્સએપ નંબર પર મેસેજ મોકલીને આ ધમકી આપવામાં આવી છે. જોકે આ પહેલી વાર નથી જયારે યોગી આદિત્યનાથે આ ધમકી મળી છે. તેમ છતાંય પોલીસ વિશેષ સતર્કતા રાખી રહી છે. પોલીસે આ મામલામાં સુશાંત ગોલ્ફ સિટી પોલીસ સ્ટેશનમાં આ મેસેજને લઈને કેસ પણ નોંધી દીધો છે અને નંબરની તપાસ કરી આરોપીની શોધખોળમાં લાગી ગઈ છે.

મળતી જાણકારી મુજબ, ૨૯ એપ્રિલે મોડી સાંજે પણ ઉત્તર પ્રદેશ પોલીસની ઇમરજન્સી સેવા ડાયલ ૧૧૨ વોટ્સએપ નંબર પર કોઈ અજાણ્યા વ્યકિતએ મેસેજ મોકલીને રાજયના મુખ્યમંત્રી યોગી આદિત્યનાથને જીવથી મારી નાખવાની ધમકી આપી. આ ધમકીમાં કહેવામાં આવ્યું છે કે મુખ્યમંત્રીની પાસે ૪ દિવસ બચ્યા છે, તેથી આ ૪ દિવસમાં મારું જે કરવાનું છે એ કરી લો, પાંચમા દિવસે તે મુખ્યમંત્રી યોગીને મારી નાખશે.

ધમકીવાળો મેસેજ મળ્યા બાદ પોલીસ બેડામાં હોબાળો મચી ગયો. તાત્કાલિક ધમકી આપનાર નંબરની તપાસ કરવા માટે સર્વેલન્સ ટીમને લગાડવામાં આવી. સંદિગ્ધની વિરુદ્ઘ લખનઉની સુશાંત ગોલ્ફ સિટી પોલીસ સ્ટેશનમાં કન્ટ્રોલ રૂમ ડાયલ ૧૧૨ના ઓપરેશન કમાન્ડર અંજુલ કુમાર તરફથી આપવામાં આવેલી ફરિયાદના આધારે કેસ નોંધવામાં આવ્યો છે. તેની સાથે જ આરોપીને પકડવા માટે પોલીસ ટીમની રચના કરવામાં આવી છે, જે સર્વેલન્સ ટીમની મદદ લઈને આરોપીને ટૂંક સમયમાં પકડવાના પ્રયાસમાં લાગી ગઈ છે.

(10:45 am IST)
  • મહારાષ્ટ્રમાં કોરોના ધીમે ધીમે શાંત પડી ગયો છે, ૨૪ કલાકમાં નવા ૫૧ હજાર કેસ નોંધાયા કર્ણાટકમાં મોટો વિસ્ફોટ ૪૪ હજાર નવા કેસ: કેરળમાં ૩૭ હજાર: યુપીમાં ૨૫ હજાર: તામિલનાડુમાં ૨૧ હજાર: બેંગ્લોર ૨૦ હજાર: આંધ્ર ૨૦ હજાર: દિલ્હી ૨૦ હજાર: પશ્ચિમ બંગાળ ૧૭ હજાર: રાજસ્થાન ૧૬ હજાર: છત્તીસગઢ ૧૫ હજાર: બિહાર ૧૪ હજાર: હરિયાણા ૧૪ હજાર: ગુજરાત ૧૩ હજાર: અને મધ્યપ્રદેશમાં ૧૨ હજારથી વધુ નવા કોરોના કેસ નોંધાયા: મહારાષ્ટ્રના પૂણેમાં ૮ હજાર: મુંબઈમાં ૨૫૦૦, જ્યારે અમદાવાદમાં ૪૬૯૩, સુરત ૧૨૧૪, રાજકોટ ૫૯૩ અને વડોદરા ૫૬૩ નવા કેસ સવાર સુધીમાં નોંધાયા છે access_time 10:51 am IST

  • ગુજરાતના ભૂતપૂર્વ કેબીનેટ પ્રધાન શંકરભાઈ ચૌધરીને કોરોના પોઝીટીવ આવ્યો છે access_time 6:30 pm IST

  • મહેસાણા શહેરની જાહેર જનતાને જણાવવાનુ કે, કોરોના વાયરસના વધતા સંક્રમણને અટકાવવા માટે ગૃહ વિભાગ, ગાંધીનગર (ગુજરાત સરકાર) ના જાહેરનામા ક્રમાંક વિ-૧૧૦૨૦૨૦ ૪૮૨-૭ તા.૪૨૦૨૧ મુજબ તા.૧૨,૦૫/૨૦૧ સુધી ફકત મેડીકલ સ્ટોર, દુધ કેન્દ્ર, કરીયાણાની દુકાની, અનાજ દળવાની ઘંટી તથા જાહેરનામા માં પરવાનગી આખ્યા મુજબના એકમો જ ખુલ્લા રાખી શકાશે. આ સિવાયના તમામ એકમો બંધ રાખવાના રહેશે અને જો જાહેરનામા માં મંજુરી આપ્યા સિવાયના એકમો ખુલ્લા જણાશે તો જાહેરનામા નાં ભંગ બદલની કાર્યવાહી ક૨વામાં આવશે તથા સેવા એકમો સીલ ક૨વામાં આવશે. જેની તમામ વેપારી એકમોએ નોંધ લેવી. access_time 8:58 pm IST