Gujarati News

લખનૌ :ઉત્તરપ્રદેશ વિધાનસભામાં મંગળવારે જોરદાર હોબાળો થયો. રાજ્યપાલના ભાષણ દરમિયાન સમાજવાદી પાર્ટી અને બહુજન સમાજ પાર્ટીના ધારાસભ્યોએ હાથોમાં પોસ્ટર લઇને હોબાળો મચાવ્યો. એવો દાવો કરવામાં આવ્યો છે કે આ દરમિયાન રાજ્યપાલ ઉપર કાગળના ડૂચા પણ ફેંકવામાં આવ્યાં.  

   બીજી તરફ હોબાળા દરમિયાન એક ધારાસભ્ય બેહોશ પણ થઇ ગયા. હોબાળો ચાલુ હતો એ દરમિયાન સમાજવાદી પાર્ટીના ધારાસભ્ય સુભાષ પાસી બેહોશ થઇને ઢળી પડ્યાં. ત્યારબાદ તેમને સારવાર માટે લઇ જવાયા.

   આજથી ઉત્તરપ્રદેશ વિધાનસભાનું બજેટ સત્ર શરૂ થયું છે. આ સત્ર 22 ફેબ્રુઆરી સુધી ચાલશે. 7 ફેબ્રુઆરીએ યોગી સરકાર પોતાનું બજેટ સત્ર રજૂ કરશે.જ્યારે વિધાનસભાની કાર્યવાહી શરૂ થઇ ત્યારે રાજ્યપાલ રામ નાઇક બજેટ અભિભાષણ આપવા ઊભા થયા ત્યારે સપા-બસપાના ધારાસભ્યોએ હોબાળો મચાવ્યો.