Gujarati News

નવી દિલ્હી : ઉત્તર પ્રદેશના ઉપ મુખ્યમંત્રી કેશવ પ્રસાદ મૌર્ય ની મુલાકાતને લઈને ખેડૂતોના વિરોધ પ્રદર્શન દરમિયાન 3 સપ્ટેમ્બરે લખીમપુર ખીરીમાં ભડકેલી હિંસામાં અત્યાર સુધી નવ લોકોના મોત થઈ ચૂક્યા છે.

આ ઘટનામાં કેન્દ્રીય મંત્રી અજય મિશ્રાના પુત્ર પર ખેડૂતોને પોતાની એસયૂવી નીચે કચડવાનો આરોપ છે. આ ઘટનાને લઈને વિપક્ષ નેતા જ્યાં ઘટના સ્થળ પર પહોંચવાની કોશિશમાં કરી રહ્યાં છે તો બીજી તરફ ટ્વિટર ઉપર પણ નિવેદનો આપી રહ્યાં છે. વિપક્ષે યોગી સરકારને આ મુદ્દા પર ઘેરી લીધી છે.

છત્તીસગઢના મુખ્યમંત્રી ભૂપેશ બઘેલે કહ્યું કે, ખેડૂતો સાથે જેવી રીતનું વ્યવહાર કરવામાં આવ્યો છે તેનાથી તેમની (BJP)ની માનસિકતા દેખાઇ આવે છે, જો તમે તેમના વિરૂદ્ધમાં ઉભા થાવ છો તો તમને કચડી નાંખવામાં આવશે.

તેમને આ ઘટના પર વડાપ્રધાનના મૌન ઉપર પણ પ્રશ્ન ઉઠાવ્યા અને કહ્યું- આટલી મોટી ઘટના ઘટી ગઈ, વડાપ્રધાન તરફથી કોઈ ટ્વિટ આવ્યું નહીં, ના ભાજપ તરફથી કોઈ નિવેદન આવ્યું છે.

આનાથી પહેલા તેમને કહ્યું હતુ કે, લખીમપુરની ઘટના કોઈ સામાન્ય ઘટના નથી પરંતુ મર્ડર છે. બીજેપી પોતાના વિરૂદ્ધ ઉઠનારા કોઈપણ અવાજને સહન કરી શકતી નથી. આ સાથે જ તેમને કેન્દ્રીય મંત્રી અજય મિશ્રાના રાજીનામાની માંગ પણ કરી હતી.

બીએસપી અધ્યક્ષ માયાવતીએ લખીમપુર ઘટના પર કહ્યું કે, આ બીજેપી સરકારની તાનાશાહી અને ક્રૂરતાને દર્શાવે છે જે તેનો અસલી ચહેરો પણ છે. તેમને આગળ કહ્યું- “આ ઘટનાના સંબંધમાં પણ પીડિતોને સરકાર પાસેથી ઉચિત ન્યાય મળવાની આશા નથી. તેથી માનનિય સુપ્રીમ કોર્ટ કોઈ દુ:ખદ ઘટનાનું સ્વંય જ સંજ્ઞાન લે.”

દિલ્હીના ઉપ મુખ્યમંત્રી અને આમ આદમી પાર્ટીના વરિષ્ઠ નેતા મનીષ સિસોદિયાએ લખીમપુરની ઘટના પર પોતાનું નિવેદન ચાલું રાખવું જોઈએ. જેમાં તેમને કહ્યું- આખા દેશ અને દુનિયાએ જોયું કે ભારતીય જનતા પાર્ટીના કેન્દ્રીય મંત્રીના પુત્રએ ખેડૂતોને પોતાની ગાડી નીચે કચડી નાંખીને હત્યા કરી છે. શરમ વગર યોગી આદિત્યનાથ જીની સરકારે ઉત્તર પ્રદેશને જંગલ રાજ બનાવી દીધું છે અને આખા પ્રદેશને અરાજકતાના માહોલમાં ધકેલી દીધો છે.તે પછી તેમને કેન્દ્રીય મંત્રી અજય મિશ્રાને પદથી હટાવ્યા અને તેમના પુત્રની ધરપકડ કરવાની માંગ કરી છે.