Gujarati News

Gujarati News

News of Tuesday, 4th May 2021

યુવતીએ ચૂંટણીમાં વિજયનું સર્ટિ. લીધા બાદ ૭ ફેરા લીધા

યુપીમાં પંચાયત ચૂંટણીમાં યુવતીએ ઉમેદવારી કરી હતી : વરમાળા પહેરાવવા જતી હતી ત્યારે પંચાયતની ચૂંટણીમાં જીતી ગયાના સમાચાર મળતા તે સર્ટિ. લેવા દોડી ગઈ

લખનૌ, તા. : યુપીના રામપુરમાં પુનમ શર્માના રાત્રે લગ્ન હતા. તે સાત જન્મોના સંબંધોમાં બંધાવા જઈ રહી હતી. ઘરમાં મહિલાઓ ગાણા ગાતી હતી અને પુનમ પણ થોડી વારમાં સ્ટેજ પર વરમાળા પહેરાવા જવાની હતી. અચાનક દરમિયાન તેને ખબર પડી કે તે પંચાયતની ચૂંટણી જીતી ગઈ છે. તો તેણે વરમાળાનો કાર્યક્રમ અધુરો છોડી દીધો અને તે હાથોમાં મહેંદી વાળા હાથ અને લગ્નના લાલ જોડામાં મતગણતરી સ્થળે પહોંચી ગઈ હતી. તેણે પહેલાં પોતાની જીતનું સર્ટીફિકેટ લીધુ અને ત્યારપછી બમણાં ઉત્સાહથી ઘરે જઈને તેના જીવનસાથી સાથે સાત ફેરા લીધા હતા.

મિલક બ્લોકના ગામ મોહમ્મદપુર જદીદ ગામમાં રહેતી પુનમ શર્માના લગ્ન બરેલી જિલ્લાના બફરી ગામમાં રહેતા એક યુવક સાથે નક્કી કરવામાં આવ્યા હતા. લગ્નની તારીખ મે રાખવામાં આવી હતી. પુનમ પંચાયત ચૂંટણીમાં વોર્ડ નંબર ૧૩૫થી સ્થાનિક પંચાયતની ચૂંટણી લડી હતી. રવિવારે જે સમયે તેના ઘરના દરવાજે જાન આવી હતીતે સમયે મતગણતરી સ્થળે તેના ભાગ્યનો નિર્ણય થતો હતો. ઘરના લોકોતો લગ્નમાં મશગુલ હતા પરંતુ તે વાંરવાર એજન્ટ દ્વારા મતગણતરીની અપડેટ પણ લેતી હતી. રાતે અંદાજે ૧૦ વાગે પુનમને ખબર પડી કે તે ચૂંટણી જીતી ગઈ છે.

ત્યારે દુલ્હન મંડપ છોડીને મંડી સમિતિ પહોંચી અને પોતાનું સર્ટીફિકેટ મેળવ્યું હતું. સર્ટીફિકેટ મેળવીને તે ખૂબ ખુશ હતી. તેણે જણાવ્યું કે, તેણે બીડીસી પદ માટે ઉમેદવારી પત્ર ભર્યું હતુ અને રવિવારે રાતે તેની વરમાળા થવાની હતી. જ્યારે તેને ખબર પડી કે તે બીડીસીમાં જીતી ગઈ છે તો તે પહેલાં તેનું સર્ટીફિકેટ લેવા પહોંચી અને ત્યારપછી તેણે લગ્નના તમામ રિત-રિવાજ પૂરા કર્યા હતા.

રિટર્નિંગ ઓફિસરે જણાવ્યું કે, પુનમને ૬૦૧ વોટ મળ્યા હતા અને તે ૩૧ મતથી ચૂંટણી જીતી છે. રિટર્નિંગ ઓફિસરે લાલ જોડામાં તૈયાર થઈને આવેલી દુલ્હન પુનમને શુભેચ્છા પાઠવી. પુનમથી જીતથી સાસરીવાળા અને ઘરના લોકો પણ ધણાં ખુશ દેખાતા હતા.

(7:25 pm IST)
  • મુંબઈમાં ડ્રાઈવ - થ્રુ વેકસીનેશન શરૃઃ સીનીયર સીટીઝનો માટે સુવિધા : દેશભરમાં સંભવતઃ પ્રથમ પ્રયોગ : ઉદ્ધવ સરકારે સીનીયર સીટીઝનો માટે ખાસ સુવિધા શરૂ કરી છે. સીનીયર સીટીઝને પોતાના વાહનમાં જ દાદર (પેસ્ટ) ખાતે ખાસ સુવિધા ઉભી કરી છે ત્યાં જવાનું મોટરની નીચે પણ નહિં ઉતરવાનું બીએમસી દ્વારા વાહનમાં જ કોરોના વેકસીન આપવામાં આવે છે. રોજના ૫૦૦૦ વેકસીનેશનની સુવિધા છે. દેશભરમાં ડ્રાઈવ - ઈન વેકસીનેશન સેવા સંભવતઃ પ્રથમ વખત મહારાષ્ટ્રમાં શરૂ થઈ છે. access_time 12:49 pm IST

  • અભિનેત્રી કંગના રનૌતનું ટ્વીટર ઍકાઉન્ટ સસ્પેન્ડ બંગાળના ચૂંટણી પરિણામ બાદ થયેલી હિંસા મુદ્દે આપત્તીજનક ટ્વીટ કર્યુ હતુ access_time 12:58 pm IST

  • આઈપીએલના બાકીના મેચો મુંબઈમાં જ રમાશે? : સપ્તાહના અંતિમ આઈપીએલના બાકી રહી ગયેલા મેચો હવે મુંબઈ ખાતે જ રમાડવામાં આવે તેવી શકયતા કોરોનાની મહામારીના પગલે આ નિર્ણય લેવાય તેવી વિચારણા ચાલી રહી હોવાનું જાણવા મળે છે. access_time 10:39 am IST