Gujarati News

નવી દિલ્હી તા. ૩ : કોરોના વાયરસથી થયેલ પ્રથમ મોતથી લઇને અત્યાર સુધી ૨૦૦ દિવસમાં મોતનો આંકડો ૧ લાખને પાર કરી ગયો છે. હાલના સમયમાં દેશના ૭૩૪ જિલ્લામાંથી ૭૧૭ જિલ્લા એવા છે જ્યાં કોરોનાથી ઓછામાં ઓછા મોત નોંધાયા છે. જ્યારે ૪૦ જિલ્લા સૌથી વધુ પ્રભાવિત છે. જ્યાં ૪૦%થી વધુ મોત નોંધાયા છે.

અમેરિકા અને બ્રાઝીલ બાદ ફકત ભારત જ છે જ્યાં આટલી મોટી સંખ્યા લોકોના મોત થયા છે. દેશના દક્ષિણ ભાગના કોરોનાએ કહેર મચાવ્યો છે. દેશમાં થયેલ કુલ મોતમાંથી ૩૭% મોત એકલા મહારાષ્ટ્રમાં થયા છે તો બિહાર અને યુપીમાં મોતનો આંકડો ઓછો છે.

દેશના ૭૩૪ જિલ્લામાંથી ૨૦ જિલ્લા એવા છે જે દેશમાં કુલ મોતમાંથી ૪૫% મોત માટે જવાબદાર છે. આ ૨૦ જિલ્લામાંથી ૧૩ જિલ્લા એકલા મહારાષ્ટ્રમાં છે. મુંબઇમાં થતાં ૧૦ મોતમાંથી ૧ મોત કોરોનાથી થાય છે.

કોવિડ-૧૯ની અસર સૌ પહેલા મહાનગરોમાં જોવા મળી. ધીમે ધીમે તે ગ્રામીણ વિસ્તારોમાં પહોંચી.