મુખ્યમંત્રી યોગી આદિત્યનાથ પંચુર ગામમાં માતાને મળવા પહોંચ્યા : ચરણ સ્પર્શ કરીને લીધા આશીર્વાદ

News of Tuesday, 3rd May 2022

મુખ્યમંત્રી યોગી આદિત્યનાથ પંચુર ગામમાં માતાને મળવા પહોંચ્યા : ચરણ સ્પર્શ કરીને લીધા આશીર્વાદ

સીએમ યોગી પગપાળા તેમના ઘરે ગયા : પૈતૃક ગામમાં માતાને મળ્યા પહેલા સીએમ યોગીએ ભૈરવ મંદિરમાં પૂજા કરી હતી

નવી દિલ્હી :ત્રણ દિવસીય ઉત્તરાખંડ પ્રવાસ પર પહોંચેલા સીએમ યોગીએ પંચુર ગામમાં પોતાના ઘરે પહોંચ્યા બાદ માતા સાવિત્રી દેવી સાથે મુલાકાત કરી હતી. મુખ્યમંત્રી યોગી આદિત્યનાથ પૌડી ગઢવાલ જિલ્લાના પોતાના ગામ પંચુર પહોંચ્યા. લગભગ પાંચ વર્ષ પછી ઘરે પહોંચેલા સીએમ યોગીએ પોતાની માતાના ચરણ સ્પર્શ કર્યા અને તેમના આશીર્વાદ લીધા. માતા સાથેની મુલાકાત દરમિયાન સીએમ યોગીના ચહેરા પર એક અલગ જ ખુશી જોવા મળી રહી છે. તે જ સમયે, પુત્રને જોયા પછી, માતા પણ ખૂબ જ ખુશ દેખાઈ રહ્યા છે. પૈતૃક ગામમાં માતાને મળ્યા પહેલા, સીએમ યોગીએ ભૈરવ મંદિરમાં પૂજા કરી હતી. આ પછી તેઓ તેમની માતાને મળવા ઘરે પહોંચ્યો હતો. મળતી માહિતી મુજબ સીએમ યોગી પગપાળા તેમના ઘરે ગયા હતા. ઘરે પહોંચતા જ તેમણે માતાના ચરણ સ્પર્શ કરીને આશીર્વાદ લીધા. જણાવી દઈએ કે, આ પહેલા યુપીના મુખ્યમંત્રીએ યમકેશ્વરમાં આયોજિત કાર્યક્રમમાં હાજરી આપીને ગુરુની પ્રતિમાનું અનાવરણ કર્યું હતું. ગુરુનો ઉલ્લેખ કરતાં સીએમ સ્ટેજ પર જ ભાવુક થઈ ગયા હતા. ઉત્તર પ્રદેશના સીએમ ઘરે પહોંચ્યા અને તેમના પરિવારના સભ્યોને મળ્યા. આ સાથે તેમણે વડીલોના આશીર્વાદ લીધા હતા. સીએમ યોગીના ગામમાં અનેરો ઉત્સાહ છે. પુત્રની એક ઝલક મેળવવા માટે ગામના લોકોનું ટોળું એકઠું થયું હતું. સીએમ યોગીનું ગામના લોકોએ પહાડી ગીતો સાથે સ્વાગત કર્યું હતું.