Gujarati News

નવી દિલ્‍હી : ભારત આઝાદીની ૭૫મી વર્ષગાંઠની ઉજવણી કરી રહ્યું છે. દેશની પ્રગતિ સાથે મીડિયાનો વિકાસ તો થયો જ પરંતુ તેનું સ્‍વરૂપ પણ બદલાયું છે. અગાઉ જ્‍યાં અખબાર રેડિયો માહિતી-સમાચારનું માધ્‍યમ હતું, હવે ટીવી ન્‍યૂઝ ચેનલો અને ડિજિટલ સોશિયલ મીડિયા પણ એ જ ક્ષેત્રમાં ઊભા છે. આનાથી સમાચારો સુધી પહોંચવાનું સરળ બન્‍યું છે, ત્‍યારે માધ્‍યમની વિશ્વસનીયતા વધી છે. સોશિયલ મીડિયાના ફેલાવાને કારણે ભ્રમ ફેલાવવાનું સરળ બન્‍યું છે. ફેક ન્‍યૂઝ જવાબદાર પત્રકારત્‍વ માટે નવા ખતરા તરીકે ઉભરી આવ્‍યા છે. ડિજિટલ ટેક્રોલોજીએ પત્રકારોના સર્વેલન્‍સ અને હેકિંગની નવી સિસ્‍ટમ વિકસાવી છે.

આ કાયદાની શું જરૂર છે

મેજર જનરલ (નિવળત્ત) એસજી વોમ્‍બેટકેરે, એડિટર્સ ગિલ્‍ડ ઓફ ઈન્‍ડિયા અને અન્‍ય લોકોએ દેશદ્રોહ વિરૂદ્ધ સુપ્રીમ કોર્ટમાં કલમ ૧૨૪-એ વિરૂદ્ધ અરજી દાખલ કરી છે. ૧૫ જુલાઈ, ૨૦૨૧ના રોજ સુનાવણી દરમિયાન,  સર્વોચ્‍ચ અદાલતે રાજદ્રોહ કાયદાની જોગવાઈઓના દુરુપયોગ પર ચિંતા વ્‍યક્‍ત કરી હતી. કોર્ટે કડક સ્‍વરમાં પૂછયું કે આઝાદીના ૭૫ વર્ષ પછી આ કાયદાની શું જરૂર છે?

આ રાજદ્રોહ છે

કેદારનાથ સિંહ કેસ (૧૯૬૨)માં, સર્વોચ્‍ચ અદાલતે નક્કી કર્યું કે માત્ર તે જ કળત્‍યો, જેમાં હિંસા-હિંસાને ઉશ્‍કેરવામાં આવે છે, તે રાજદ્રોહની શ્રેણીમાં આવે છે. અન્‍ય કિસ્‍સાઓમાં, કલમ ૧૨૪-ખ્‍ બંધારણની કલમ ૧૯ (૧-એ) હેઠળના મૂળભૂત અધિકારનું ઉલ્લંઘન કરે છે.

સરકાર જવાબદારીમાંથી છટકી શકતી નથી

મનોહર લાલ શર્મા વિરૂદ્ધ કેન્‍દ્ર સરકાર સંબંધિત કેસમાં ગયા વર્ષે ૨૭ ઓક્‍ટોબરમાં સુપ્રીમ કોર્ટે પણ તીખી ટિપ્‍પણી કરી હતી. વચગાળાની રાહત આપતી વખતે કોર્ટે અવલોકન કર્યું કે પ્રેસની સ્‍વતંત્રતા અને ગુપ્તતા એક જ સિક્કાની બે બાજુ છે.