Gujarati News

Gujarati News

News of Wednesday, 3rd March 2021

રેડિયો શોમાં મોદીના માતા માટે એક વક્તાએ અપશબ્દો કહ્યા

બીબીસી એશિયન નેટવર્કના ડિબેટ રેડિયો શોમાં વિવાદ : વીડિયો ટ્વિટર પર શેર કરાયો અને મોટી સંખ્યામાં લોકો ટિપ્પણી કરી રહ્યા છે અને તીવ્ર પ્રતિક્રિયા આપી રહ્યા છે

લંડન, તા. ૩ : યુકેમાં બીબીસી એશિયન નેટવર્કના 'બિગ ડિબેટ' રેડિયો શો દરમિયાન એક વક્તાએ ભારતના વડાપ્રધાન નરેન્દ્ર મોદીના માતા હીરાબા માટે અપશબ્દો કહ્યા હતા. આ ઘટના પ્રકાશમાં આવ્યા બાદ સોશિયલ મીડિયા પર ચકચાર મચી ગઈ છે. બ્રિટનમાં વસતા શીખો અને ભારતના લોકો પ્રત્યે વંશીય ભેદભાવ અંગેની ડિબેટમાં આખી ચર્ચા ભારતમાં ચાલી રહેલા ખેડૂતોના પ્રદર્શન તરફ વળી ગઈ. શો દરમિયાન એક કોલરે વડાપ્રધાન નરેન્દ્ર મોદીના માતા હીરાબા માટે અપમાનજનક શબ્દો કહ્યા હતા. આ ઘટનાનો વિડીયો ટ્વિટર પર શેર કરવામાં આવી રહ્યો છે અને મોટી સંખ્યામાં લોકો ટિપ્પણી કરી રહ્યા છે અને તીવ્ર પ્રતિક્રિયા આપી રહ્યા છે. ઘણા લોકો પ્રેઝેન્ટેટર અને આ બીબીસી રેડિયો શોના સંગઠન બંનેની આકરી ટીકા કરી રહ્યા છે. તેઓ કહી રહ્યા છે કે બીબીસીએ આ વાંધાજનક કોમેન્ટને ઓન એર જવા દીધી.

કિરણ બલહિયાએ કહ્યું કે શું બીબીસી લોકોને કાર્યક્રમમાં જોડાતા પહેલા તેમની તપાસ નહીં કરવા બદલ માફી માંગશે? આ પ્રકારની ભાષા કોઈ સમ્માનિત સંસ્થા માટે નથી બની. નંદિનીએ એવું લખ્યું હતું કે બીબીસી અહીંયો કોને પ્રોત્સાહન આપી રહ્યું છે. આ એક ખૂબ જ ગંભીર મુદ્દો છે અને બીબીસીએ આ અપમાનજનક ભાષા અને પીએમ મોદીના માતાને અપશબ્દો કહેવા માટે જવાબ આપવો જોઈએ.

અમન દુબેએ લખ્યું, આ ખૂબ જ શરમજનક કૃત્ય છે. બીબીસી રેડિયો શોમાં પીએમ મોદીના માતાને અપશબ્દો કહેવામાં આવ્યા છે. આ ઓડિયો વાયરલ થયા બાદ ટ્વિટર પર બોયકોટ બીબીસી ટોપ ટ્રેન્ડ પર પહોંચી ગયું છે. ભારતની સાથે સાથે ચીનમાં પણ મોટી સંખ્યામાં લોકો બીબીસી પર પ્રતિબંધ મૂકવાની માંગ કરી રહ્યા છે. બીબીસીએ હજી સુધી આ સમગ્ર ઘટના અંગે કોઈ ટિપ્પણી કરી નથી.

(8:03 pm IST)
  • ર૮ કલાકમાં ર,૦૮,૭૯૧ લોકોને કોવિદ રસી અપાઇ : સોમવારે સવારે ૯ થી આજે મંગળવાર બપોરે ૧ સુધીમં ૬૦ વર્ષની વયના ર,૦૮,૭૯૧ લોકોને કોરોના રસી આપવામાં આવી છે. આજે બપોર સુધીમાં દેશભરમાં કુલ ૧ કરોડ ૪૮ લાખથી વધુ લોકોને કોરોનાની રસી મૂકવામાં આવી હોવાનું સરકારે સત્તાવાર જાહેર કર્યુ છે access_time 10:57 am IST

  • ટેક્સ બચાવવા વાળા પર સરકારની છે બાજનજર : પકડાઈ જશો તો 10 વર્ષની જેલ અને 300 ટકા દંડ :કાળાનાણાં સામે ઇન્કમટેક્સ વિભાગ કરશે કાર્યવાહી : બ્લેકમની કાયદા હેઠળ 400થી વધુ લોકો સામે કાર્યવાહી કરવા ઇન્કમટેક્સ ડિપાર્ટમેન્ટની તૈયારી access_time 12:24 am IST

  • જે સીડી પર ચડીને જિંદગીના સૌથી ઉંચા મુકામ પર પહોંચ્યા છીએ શું તેને પાડી દેવી યોગ્ય છે : કોંગ્રેસના વરિષ્ઠ નેતા સલમાન ખુર્શીદે જી-23ના નેતાઓને લખ્યો ખીલ્લો પત્ર : પૂછ્યું કે શું તેઓ પક્ષ બદલવાનો વિચાર કરે છે ? : ખુર્શીદે ઉક્ત નેતાઓને કહ્યું કે આપણે વર્તમાનમાં યોગ્ય સ્થાન શોધવાની બદલે તેના પર ચિંતન કરવું જોઈએ કે ઇતિહાસ એમને કેવી રીતે યાદ રાખશે access_time 12:36 am IST