Gujarati News

Gujarati News

News of Wednesday, 3rd March 2021

CBI, NIA, EDમાં સીસીટીવી શા માટે નથી

૫ મહિનામાં દેશના તમામ પોલીસ સ્ટેશનમાં સીસીટીવી કેમેરા અને રેકોર્ડિંગ ઉપકરણો લગાવવા આદેશ આપ્યો : સુપ્રીમે સરકારની ઉદાસિનતા સામે નારાજગી દર્શાવી

નવી દિલ્હી, તા. ૩ : સુપ્રીમ કોર્ટે હજુ સુધી સીબીઆઈ, એનઆઈએ અને ઈડી જેવી કેન્દ્રીય તપાસ એજન્સીઓના કાર્યાલયોમાં સીસીટીવી કેમેરા શા માટે નથી લાગ્યા તે અંગે નારાજગી વ્યક્ત કરી હતી. સાથે જ સરકાર આ મામલે પગ પાછા ખેંચવા પ્રયત્ન કરી રહી હોવાનો ફટકાર પણ વરસાવ્યો હતો.

કોર્ટે કેન્દ્ર સરકારને તમામ કેન્દ્રીય તપાસ એજન્સીઓ અને રાજ્ય સરકારોને આગામી ૫ મહિનામાં દેશના તમામ પોલીસ સ્ટેશનમાં સીસીટીવી કેમેરા અને રેકોર્ડિંગ ઉપકરણો લગાવવા આદેશ આપ્યો છે. ઉપરાંત કેન્દ્ર સરકારને ૩ સપ્તાહ અને રાજ્ય સરકારોને એક મહિનાની અંદર સોગંદનામુ દાખલ કરવા પણ કહેવામાં આવ્યું છે.

સોગંદનામામાં સીસીટીવી કેમેરા લગાવવા થનારો ખર્ચ અને કોર્ટના નિર્દેશોનું પાલન કરવાની ટાઈમલાઈન જણાવવા પણ કહેવામાં આવ્યું છે. જસ્ટિસ આરએફ નરીમનની અધ્યક્ષતાવાળી પીઠે કેન્દ્ર સરકાર તરફથી રજૂ થયેલા સોલિસિટર જનરલ તુષાર મેહતાને આનેનાગરિકોના મૌલિક અધિકારો સાથે સંકળાયેલો મુદ્દો કહ્યો હતો.

ચૂંટણી હોય તે રાજ્યોના પોલીસ સ્ટેશનોમાં સીસીટીવી કેમેરા લગાવવાના આદેશમાં હાલ પૂરતી છૂટ આપવામાં આવી છે.

(8:02 pm IST)
  • રાજકોટમાં ૩૫ ડીગ્રી : રાજકોટ શહેરમાં ગરમીમાં દિનપ્રતિદીન વધારો થઈ રહયો છે : સાંજ સુધીમાં મહતમ તાપમાનમાં હજુ એકાદ ડીગ્રીનો વધારો સંભવ છે access_time 3:44 pm IST

  • વિધાનસભામાં બજેટ રજૂ કરતા નીતિન પટેલ : ગાંધીનગર : નાયબ મુખ્‍યમંત્રી શ્રી નીતિનભાઇ પટેલ આજે ગુજરાત વિધાનસભા ખાતે વર્ષ ૨૦૨૧-૨૦૨૨નું અંદાજપત્ર રજૂ કરવા આવી પહોંચ્‍યા એ વેળાની તસ્‍વીર. access_time 12:11 pm IST

  • ફોન કરીને એક શખ્શે કહ્યું - મુખ્યમંત્રી કેજરીવાલને ઉડાવી દેવા મને અપાયું છે હથિયાર : પોલીસે ઝડપી લીધો :પકડાયેલ શખ્શનું નામ પપ્પુ છે જેને ફરિદાબાદથી દબોચી લેવાયો હતો : પપ્પુ ડ્રગ્સ એડિક્ટ છે અને નશાની હાલતમાં જ ફોન કર્યો હતો access_time 12:46 am IST