Gujarati News

બીજિંગ તા. ૩ : એપલના નવા ફોનનું આકર્ષણ લોકોમાં કેવું હોય છે એ આપણે જાણીએ છીએ. એપલ-૧૨ ફોન ગયા વર્ષના ઓકટોબરમાં લોન્ચ થયો હતો. ત્યાર પછી એ ફોનની સોશ્યલ મીડિયા પર ઘણી ચર્ચા ચાલી હતી. હજી પણ એ વિષયની ચર્ચા ચાલે છે. લિયુ નામની ચીનની મહિલાએ એ ફોન મેળવવા માટે ૧૦,૦૯૯ યુઆન (લગભગ ૧.૧૪ લાખ રૂપિયા) ચૂકવીને બુકિંગ કરાવ્યું હતું, પરંતુ તેને ફોનને બદલે એપલ ફલેવર્ડ યોગર્ટ (દહીંનું ઘોળવું) મળ્યું હતું. પૂર્વ ચીનના એન્હુઇ પ્રાંતની રહેવાસી લિયુએ એ આઘાતજનક ઘટનાનો વિડિયો સોશ્યલ મીડિયા પર શેર કર્યો છે. સોશ્યલ મીડિયા પર વિડિયો જોયા પછી એ ઘટનામાં ગુનાહિત પ્રવૃત્ત્િ। કરતી ટોળકીઓ સામેલ હોવાની શકયતાની તપાસ પોલીસે શરૂ કરી છે. એ ઉપરાંત એપલ કંપની અને કુરિયર કંપનીએ પણ ગોટાળાનું કારણ જાણવા માટે તપાસ શરૂ કરી છે.