Gujarati News

નવી દિલ્હી તા. ર :.. કેન્દ્ર સરકાર પોતાના કર્મચારીઓના આરોગ્ય પર પ્રતિ વ્યકિત પ્રતિ વર્ષ ૯૦૩૯ રૂપિયા ખર્ચે છે. જયારે સામાન્ય માણસ માટે સરકાર ફકત ૧૧૩૬ રૂપિયા જ ખર્ચે છે. એટલે કે સામાન્ય માણસની સરખામણીમાં કેન્દ્રીય કર્મચારીઓ પર આઠ ગણો વધારે ખર્ચ થાય છે. આરોગ્ય વિભાગના નેશનલ હેલ્થ પ્રોફાઇલ રિપોર્ટ ર૦૧૯ માં આ આંકડાઓ જાહેર થયા છે. બ્રુનેઇ, દારેસલામ જેવા નાના દેશમાં પણ પ્રતિ વ્યકિત આરોગ્ય પર ખર્ચ પ૯૯ અમેરિકન ડોલર છે પણ ભારતમાં તે ફકત ૧૬ અમેરિકન ડોલર જેટલો જ છે.

હાલમાં જ બહાર પડાયેલ આ રિપોર્ટ અનુસાર, આરોગ્ય ખર્ચની બાબતમાં ભારત ઘણુ પાછળ છે. આપણા પાડોશી દેશોમાં આપણે મ્યાંમાર, નેપાળ અને બાંગ્લાદેશથી જ આગળ છીએ. ભુટાનમાં આરોગ્ય પર માથા દીઠ ખર્ચ ૬૭.પ, શ્રીલંકામાં ૬૬, ઇન્ડોનેશીયામાં પ૦ અને ભમોરમાં ૪૪.૬, અમેરિકન ડોલર છે. અમેરિકામાં આ ખર્ચ ૮૦૭૮ અને બ્રિટનમાં ૩૧૭પ અમેરિકન ડોલર છે.