Gujarati News

વોશિંગ્ટન,તા.૨: અમેરિકાના હાઉસ ઓફ રિપ્રેઝન્ટેટિવ્ઝે રાષ્ટ્રપતિ ડોનલ્ડ ટ્રમ્પ સામે મહાભિયોગ માટે કાર્યવાહી આગળ વધારવા એક દરખાસ્તે મંજુરી આપી હતી. આ પક્ષમાં ૨૩૨ મત પડયા હતા, જ્યારે વિરોધમાં ૧૯૬ મત પડયા હતા. પ્રતિનિધિ સભામાં ડેમોક્રેટિક પાર્ટી બહુમતી ધરાવે છે તેના નેતૃત્વમાં મહાભિયોગ તપાસક્રિયા શરૂ કરવામાં આવી છે. ટ્રમ્પ પર આરોપ છે કે તેને પોતાના વિરોધી જો બિડેન અને તેના દીકરા સામે યુક્રેનની ગેસ કંપનીમાં ભ્રષ્ટાચારના કેસની તપાસ માટે યુક્રેન પર દબાણ કર્યું હતું.