Gujarati News

વોશિંગટનઃ અમેરિકાએ આઠ દેશોને પ્રતિબંધ હોવા છતાં  ઈરાન પાસેથી ક્રૂડ ઓઈલ ખરીદવાને મંજૂરી આપી છે. અમેરિકાના વિદેશ મંત્રી માઈક પોમ્પિયોએ  આ માહિતી આપી હતી. અમેરિકાએ ઈરાન સાથે થયેલા પરમાણુ સમાધાનમાંથી ખુદને છુટા કરીને ઈરાન પરના આ પ્રતિબંધો ફરીથી લાગુ કર્યા છે. 

  આ પ્રતિબંધ 5 નવેમ્બરથી લાગુ થયા છે. પોમ્પિયોએ જણાવ્યું કે, આ દેસો ઈરાન સાથે ચાલી રહેલી તેલ આયાતમાં ભારે કાપ મુકશે. તેના પહેલા દિવસે બ્લૂમબર્ગે અમેરિકાના એક અધિકારીના હવાલાથી જણાવ્યું કે, ભારત, જાપાન અને દક્ષિણ કોરિયા સહિતના 8 દેશ ઈરાન પાસેથી ક્રૂડ ઓઈલની આયાતને પ્રતિબંધ આપવામાં આવી છે. 

 આ અગાઉ અમેરિકાની ઈચ્છા હતી કે ભારત સહિત ઈરાન પાસેથી ક્રૂડ ઓઈલ ખરીદતા અન્ય દેશો 4 નવેમ્બરથી ઈરાન પાસેથી ક્રૂડ ઓઈલ ખરીદવાનું સંપૂર્ણ બંધ કરી દે. આ દિવસ બાદ અમેરિકા તરફથી ઈરાન પર એ પ્રતિબંધો લાગુ થવાના છે. જોકે, હવે અમેરિકાએ પોતાના આ વલણમાં થોડી છૂટ આપવાનું નક્કી કર્યું છે.