Gujarati News

શ્રીનગર : અલગાવવાદી નેતા સઈદ અલી શાહ ગિલાણીનું 92 વર્ષની વયે નિધન થયું છે તેઓએ શ્રીનગરમાં અંતિમ શ્વાસ લીધા હતા તેઓના નિધનથી ખીણ વિસ્તારમાં શોકનું મોજૂ ફરી વળ્યું હતું.

પીડીપી ચીફ મહેબૂબા મુફતીએ ટ્વિટ કરીને જાણકારી આપી હતી. તેઓ 92 વર્ષના હતા. પીડીપી ચીફ મહેબૂબા મુફતીએ ટ્વિટ કરીને જાણકારી આપી હતી. તેમણે ગયા વર્ષે હુરિયત અને રાજનીતિમાંથી રાજીનામું આપ્યું હતું.

કેન્દ્રશાસિત પ્રદેશના પૂર્વ મુખ્યમંત્રી અને PDP ચીફ મહેબૂબા મુફ્તીએ ગીલાણીના નિધન પર દુખ વ્યક્ત કર્યું છે. તેમણે ટ્વિટ કરીને જણાવ્યું કે ગિલાણી સાહેબના નિધનના સમાચાર જાણીને ઘણું દુખ થયું. અમે મોટાભાગના મુદ્દે સહમત ન હોઈ શકીએ પરંતુ હું તેમની દ્રઢતા અને તેમના વિશ્વાસોની સાથે ઊભા રહેવા બદલ તેમનું સન્માન કરુ છું. અલ્લાહતાલા તેમને જન્નત અને તેમના પરિવાર તથા શુભચિંતકોને સંવેદના પ્રદાન કરે.

કાશ્મીરી નેતા સૈયદ અલી શાહ ગિલાનીનો જન્મ 29 સપ્ટેમ્બર 1929 ના રોજ થયો હતો. ભારતીય કેન્દ્રશાસિત પ્રદેશ જમ્મુ-કાશ્મીરમાં પાકિસ્તાન તરફી કાશ્મીરી અલગતાવાદી નેતા છે પરંતુ બાદમાં તહરીક-એ-હુર્રિયતની સ્થાપના કરી. તેમણે ઓલ પાર્ટીઝ હુર્રિયત કોન્ફરન્સના પ્રમુખ તરીકે સેવા આપી હતી, જે જમ્મુ-કાશ્મીરમાં અલગતાવાદી પક્ષોના જૂથ છે. તેઓ 1972, 1977 અને 1987 માં જમ્મુ અને કાશ્મીરના સોપોર મતવિસ્તારના ધારાસભ્ય પણ હતા. જોકે જૂન 2020 માં હુર્રિયત છોડી દીધી. ખરાબ સ્વાસ્થ્યને કારણે તે છેલ્લા ઘણા વર્ષોથી ઓછી સક્રિય હતી. જોકે ઘણી વખત તેના મૃત્યુની અફવાઓ પણ આવી હતી.