Gujarati News

જમ્મુ કાશ્મીરના પૂર્વ મુખ્યમંત્રી અને નેશનલ કોન્ફ્રન્સનાં  અધ્યક્ષ ફારૂખ અબ્દુલ્લા અને તેમના પુત્ર ઉમર અબ્દુલ્લાએ વડાપ્રધાન નરેન્દ્ર ભાઈ મોદી સાથે મુલાકાત કરી હતી

   પીએમ મોદી સાથે કરેલી મુલાકાત બાદ ઉમર અબ્દુલ્લાએ જણાવ્યુ કે, પીએમ મોદીને જમ્મુ કાશ્મીરની સ્થિતિ અંગે જાણકારી આપવામાં આવી છે. ખીણમાં સ્થિતિ સામાન્ય થઈ છે. જેથી કેન્દ્ર સરકાર કોઈપણ એવા નિર્ણય ન લે જેથી જમ્મુ કાશ્મીરમાં ફરીવાર સ્થિતિ વણસે. આ ઉપરાંત એનસીએ રાજ્યમાં ડિસેમ્બર સુધીમાં વિધાનસભાની ચૂંટણી કરાવવાની માગ કરી છે.

   અત્રે ઉલ્લેખનીય છે કે એનસી નેતા દ્વારા પીએમ મોદી સાથે એવા સમયે મુલાકાત કરવામાં આવી જ્યારે કેન્દ્ર સરકારે જમ્મુ કાશ્મીરમાં 10 હજાર સૈનિકોને તૈનાત કર્યા છે. એનસીને ભય છે કે, મોદી સરકાર જમ્મુ કાશ્મીરમાંથી આર્ટિકલ 35-એ અને 370 હટાવવાની તૈયારી કરી રહી છે.