Gujarati News

નવી દિલ્હી : કેન્દ્ર સરકારની હાઈ લેવલ કમિટીએ પણ 59 ચીની એપ્સ પર પ્રતિબંધ મુકવાના નિર્ણયને યોગ્ય ગણાવ્યો છે. આ કમિટીમાં ગૃહ મંત્રાલય, કાયદા મંત્રાલય, ઈલેક્ટ્રોનિક અને આઈટી મંત્રાલય, સૂચના અને પ્રસારણ મંત્રાલયના અધિકારીઓ અને પ્રતિનિધિઓ સિવાય CERT-Inના પ્રતિનિધિઓ પણ સામેલ છે.

કેન્દ્ર સરકારની સમિતિએ પણ 59 ચીની એપ્સ ઉપર પ્રતિબંધ મુકવાના નિર્ણય પર મહોર મારી દીધી છે. આ એપ્સની ડેટા શેર કરવાની કાર્યપ્રણાલીને ધ્યાનમાં રાખીને આઈટી અને ઈલેક્ટ્રોનિક સચિવે પોતાના ઈમરજન્સી અધિકારનો પ્રયોગ કરીને પ્રતિબંધ મુકવાનો નિર્ણય લીધો હતો. સરકારી સમિતિએ  પોતાની બેઠકમાં પણ આ નિર્ણયને યોગ્ય ગણ્યો છે.

 અત્રે  ઉલ્લેખનીય છે કે ચીની એપ્સ પર વચગાળાનો પ્રતિબંધ મુકાયો છે. હવે અંતિમ નિર્ણય લેવાય તેના પહેલા આ ચીની એપ્સના પ્રતિનિધિઓને સમિતિ સમક્ષ પોતાની વાત રજૂ કરવા એક તક મળશે. જાણવા મળ્યા મુજબ એક સપ્તાહની અંદર આ કંપનીઓના પ્રતિનિધિ સમિતિ સમક્ષ પોતાનો પક્ષ રજૂ કરી શકે છે.