Gujarati News

નવી દિલ્હી તા. ૨ : દેશમાં કોરોના સંક્રમિતોની સંખ્યા ૩૭,૩૦૦ને પાર થઇ છે અને કુલ મૃત્યુઆંક ૧૨૨૯ થયો છે અને ૧૦ હજારથી વધુ સ્વસ્થ થયા છે. બપોર સુધીમાં રાજસ્થાનમાં ૧૨, આંધ્રપ્રદેશમાં ૬૨, કર્ણાટક ૯ એમ કુલ ૮૩ કેસ નવા નોંધાયા છે તેમજ રાજસ્થાનમાં ૩ અને કર્ણાટકમાં ૩ના મોત થયા છે.

મધ્યપ્રદેશમાં ગઇકાલે સંક્રમણના ૯૫ નવા કેસ નોંધાયા છે તેમજ સંક્રમિતોની સંખ્યા ૨૭૧૫એ પહોંચી છે તેમજ ૧૪૫ના મોત થયા છે.

યુપીમાં ૨૪ કલાકમાં ૧૧૭ નવા પોઝીટીવ કેસ મળ્યા. આગ્રામાં સૌથી વધુ ૪૬ કેસ નોંધાયા. લખનૌમાં ૭ કેસ મળ્યા ત્યાં ૨૧૮ સંક્રમિત છે. યુપીમાં ૪૩ના મોત થયા છે. મહારાષ્ટ્રમાં ગઇકાલે ૧૦૦૮ સંક્રમિત મળ્યા છે. મહારાષ્ટ્રમાં સંક્રમિતોની સંખ્યા ૧૧,૫૦૬એ પહોંચી છે તેમજ ૪૮૫ના મોત થયા છે.

રાજસ્થાનમાં ૧૨ દર્દીના રીપોર્ટ પોઝીટીવ આવ્યા છે તેમાંથી જયપુરમાં ૫, જોધપુર અને ધૌલપુરમાં ૨, જ્યારે કોટા, ચિતોડગઢ અને અજમેરમાં ૧-૧ સંક્રમિત મળ્યા છે. ગઇકાલે ૮૨ દર્દી પોઝીટીવ આવ્યા હતા.

બિહારમાં સંક્રમણના ૪૧ કેસ સામે આવ્યા. બકસરમાં ૧૧, કૈમૂરમાં ૬, રોહગસમાં ૬ અને ભોજપુર અને નાલંદામાં ૧-૧ દર્દી નોંધાયા છે. અત્યાર સુધીમાં કોરોનાથી ૮૪ લોકો સ્વસ્થ થયા છે. કુલ સંક્રમિતોની સંખ્યા ૪૬૬ થઇ છે.

દિલ્હીમાં ગઇકાલે ૨૨૩ પોઝીટીવ આવ્યા તેથી સંક્રમિતોની સંખ્યા ૩૭૩૮એ પહોંચી છે તેમજ મૃત્યુઆંક ૬૧એ પહોંચ્યો છે.

રાજ્યમાં કોરોનાની સ્થિતિ