Gujarati News

અમદાવાદઃ લાલ કિલ્લાને દત્તક આપવાના મુદ્દે લેખક ચેતન ભગતે સમર્થન આપતા આ મુદ્દે ધારાસભ્ય અલ્પેશ ઠાકોરે ચેતન ભગતને મોદીના ભગત ગણાવતા ચેતન ભગતે પણ અલ્પેશ ઠાકોરને જવાબ આપી દીધો હતો.

લાલ કિલ્લાને કેન્દ્ર સરકારની 'એડોપ્ટ એ હેરિટેજ' સ્કીમ અંતર્ગત રીપેરીંગ માટે ડાલમિયા ગ્રુપને સોંપવાના નિર્ણય પર આરોપ-પ્રત્યારોપો ચાલુ છે. એક તરફ જ્યાં વિપક્ષ સહિત કેટલાક લોકો સરકારના આ નિર્ણયનો વિરોધ કરી રહ્યાં છે જ્યારે બીજી તરફ લેખક ચેતન ભગતે સરકારના આ નિર્ણયનો ટ્વિટ કરીને સમર્થન આપ્યું હતું.

લાલ કિલ્લાને વેચવાના આરોપનો બચાવ કરતા ચેતન ભગતે લખ્યું હતું કે જો કોઇને પોતાનું ઘર સાફ કરવા માટે રાખો તો એનો અર્થ એ નથી કે તમે તમારું ઘર વેચી દીધું. લાલ કિલ્લાને વેચ્યું નથી. આ સરકાર દ્વારા કેટલાક પૈસા બચાવવા અને બિલ્ડીંગની સુરક્ષા રાખવાની રીત છે.

ચેતન ભગતે આ ટ્વિટ પછી ગુજરાતના કોંગ્રેસના સાંસદ અલ્પેશ ઠાકોરે ટ્વિટ કરીને કહ્યું, ચેતન ભગતને 'મોદીના ભગત' ગણાવ્યાં.

અલ્પેશ ઠાકોરના આ ટ્વિટ પછી ચેતન ભગતે અલ્પેશને જવાહ આપતા કહ્યું કે, સર ભગવાને થોડું મગજ આપ્યું છે. એટલે પોતાની રાય આપું છું. ઘણી વખત સરકારની નિંદા પણ કરી છે. ખોટી વાત ન કરો તમને શોભા નથી આપતી.