Gujarati News

મુંબઇ તા. ૧ : ગુજરાતી લગ્નો એટલા ભવ્ય હોય છે કે આ લગ્નોમાં આવનારા મહેમાનો ઈમ્પ્રેસ થયા વિના નથી રહેતા. ૧૦૦૦થી પણ વધુ મહેમાનો સાથે શહેરમાં યોજાયેલા રોયલ લગ્ન હોય, ઝાકઝમાળ વાળા ડેસ્ટિનેશન વેડિંગ હોય કે પછી બીચ પાર્ટી, ગુજરાતીઓનું ફોકસ હંમેશા લગ્નમાં આવનાર મહેમાનોને સારામાં સારી ટ્રીટમેન્ટ આપવા પર રહેલુ હોય છે. ગુજરાતીઓ હંમેશા એવી ધામધૂમથી લગ્ન કરવા માંગે છે કે આવનારા વર્ષો સુધી લોકો આ લગ્નને યાદ રાખે. જો કે હવે આ ટ્રેન્ડમાં થોડુ પરિવર્તન આવી રહ્યું છે. હવે યુવાન કપલ્સ ગેસ્ટ્સને ઈમ્પ્રેસ કરવાને બદલે જાતે વેડિંગ એન્જોય કરી શકે તેવુ ઈચ્છે છે.

એક સમય હતો જયારે બાળકોના લગ્ન માટે માતા પિતા અલગથી બચત કરતા હતા. પરંતુ હવેના યુવાન કપલ્સ પોતાના ખર્ચે લગ્ન કરવા માંગે છે. મિડીયા પ્રોફેશનલ સોમા દાસે તાજેતરમાં જ તેના લાંબા સમયના બોયફ્રેન્ડ સાથે સાદાઈથી લગ્ન કર્યા હતા. તેમના લગ્ન સાવ સાદા હતા અને તેમાં નજીકના સંબંધીઓ જ ઉપસ્થિત હતા. દાસ જણાવે છે, 'જયારે મેં અને હસને લગ્ન કરવાનું નક્કી કર્યું ત્યારે અમે નક્કી જ કરી લીધુ હતુ કે અમારે સાદાઈથી લગ્ન કવા છે. અમારી મદદ કરી શકે તેવા પરિવારજનોની સંખ્યા પણ નાની છે, આથી સાદાઈથી જ લગ્ન કરવાનું અમને મુનાસિબ લાગ્યું. અમે અમારા લગ્ન સારા મિત્રો અને અમારા માટે સ્પેશિયલ લોકો સાથે જ ઉજવવા માંગતા હતા. અમે કોર્ટ મેરેજ કર્યા અને પછી વેડિંગ પાર્ટી અને ફેમિલી ફંકશન રાખ્યું. અમે કોઈ હોલ બુક કરાવવાને બદલે અમે એક કમ્ફર્ટેબલ કેફેમાં પાર્ટી રાખી હતી. અમે કપલ તરીકે આ કેફેમાં ઘણીવાર મળતા હતા અને તેની સાથે અમારી ઘણી યાદો જોડાયેલી છે. અમે વેડિંગના મોંઘાદાટ ડ્રેસીસ પાછળ ખર્ચો કરવાના બદલે જાણીતી રિટેલ શોપ્સમાંથી કપડા ખરીદ્યા હતા.' દાસ અને તેમના પતિએ મેરેજને કારણે તેમને બિનજરૂરી ખર્ચો ન થાય એ વાતનું ખાસ ધ્યાન રાખ્યું હતુ.

હવે આધુનિક ગુજરાતી કપલ્સ હટ-કે સ્ટાઈલથી લગ્ન કરવા માંગે છે. યુવાનોનો પ્રશ્ન એ છે કે આ દિવસ મહેમાનો માટે હોવો જોઈએ કે તેમના પોતાના માટે. એ દિવસો ગયા જયારે દુલ્હો અને દુલ્હન સજીધજીને તેમના મિત્રો અને ફેમિલી મેમ્બર્સને ડાન્સ પરફોર્મ કરતા જુએ અને એન્જોય કરે. હવે યુવાનો પણ દરેક સેલિબ્રેશનમાં ભાગ લેવાનુ પસંદ કરે છે. એટલું જ નહિ, તેઓ આ બધા એન્જોયમેન્ટનું કેન્દ્ર બનવા માંગે છે.

વેડિંગ પ્લાનર સંકેત શાહ જણાવે છે, 'આજકાલ યુવાનોને મગજમાં તેમનો વેડિંગ ડે કેવો હોવો જોઈએ તે અંગે એક કલીયર આઈડિયા છે. તેમાં તેઓ કોઈપણ જાતની બાંધછોડ કરવા નથી માંગતા. ક્રાઉડની વચ્ચે પણ કપલ્સ પ્રાઈવેટ મોમેન્ટ એન્જોય કરવા માંગે છે. મેં તાજેતરમાં જ એક એવા વેડિંગ પ્લાન કર્યા હતા જેમાં ગુજરાતી કપલે થાઈલેન્ડના એક નાના શહેરમાં ૨૦૦થી ૨૫૦ ગેસ્ટ્સની હાજરીમાં લગ્ન કર્યા હતા. અમે આ માટે ઘણું રિસર્ચ કર્યુ હતુ અને તે પ્રમાણે જગ્યા, થીમ, ફૂડ, આઉટફિટ્સ વગેરે નક્કી કર્યા હતા. એ ટાપુ પર યોજાયેલા વેડિંગમાં બધુ જ સરસ ગોઠવાઈ ગયુ હતુ.'

લગ્ન પોતાની મરજી મુજબ કરવા માટે ગુજરાતી કપલ્સ હવે કેટલીક પરંપરાઓને પણ નેવે મૂકી રહ્યા છે. આથી તમે જોશો કે ઘણી દુલ્હન હવે લાલ લહેંગો છોડીને સફેદ કે બ્લેક કપડા પહેરતી થઈ છે. ડાયમન્ડ વર્ક વાળા તેમના આ કપડા ઘણા લોકોનું ધ્યાન ખેંચે છે. મોડેલ સ્વાગતા અગ્રવાલ જણાવે છે, ઙ્કમોટા ભાગના વેડિંગ ફોટોઝમાં દુલ્હન ટિપિકલ રેડ લહેંગો પહેરેલી જોવા મળે છે. આથી મેં વ્હાઈટ અને ગ્રીનનું કોમ્બિનેશન પસંદ કર્યું. આજે હું જયારે મારા લગ્નના ફોટોઝ જોઉ છું ત્યારે મને આનંદ થાય છે કે સારુ થયુ મેં વ્હાઈટ અને ગ્રીન પહેરવાનું નક્કી કર્યું. બીજા બધા લગ્નના ફોટોઝ કરતા મારા ફોટોઝ એકદમ અલગ જ તરી આવે છે.ઙ્ખ

જો કે ગુજરાતી વેડિંગ્સ હજુ પણ લાર્જર ધેન લાઈફ જ હોય છે. ફરક એટલો પડ્યો છે કે તેની સજાવટ બદલાયુ છે. પરંપરાગત ડેકોરેશનના બદલે હવે ફન કોન્સેપ્ટ વાળા ડેકોરેશનની બોલબાલા છે. ચોક બોર્ડ, મેઝન જાર, પેપર ફલાવર્સ, ફેરી લાઈટ્સ, ડ્રીમ કેચર્સ વગેરે પ્રોપ્સથી હવે ડેકોરેશન કરવામાં આવે છે. સંકેત શાહ જણાવે છે, ઙ્કત્યારે પિંક, ઓરેન્જ, પર્પલ ફયુચેસિયા, ડીપ કોરલ્સ અને મજન્ટા કલર ટ્રેન્ડિંગ છે. ટેબલ ડેકોરેશન માટે હાથથી ડાઈ કરેલા સિલ્કની ડિમાન્ડ છે. આ ઉપરાંત ટ્રેડિશનલ શાદી ફોટો બૂથ પણ સેટ અપ કરવામાં આવે છે. અહીં સ્લોમો વિડિયો અને એનિમેટેડ ઞ્ત્જ્ પણ બનાવી શકાય છે જે સોશિયલ મીડિયા ર તરત જ શેર કરી શકાય છે. આ ઉપરાંત કપલ્સ તેમના વેડિંગ હેશટેગ પણ ક્રિએટ કરે છે અને લગ્નમાં આવેલા મહેમાનોને આ હેશટેગનો ઉપયોગ કરી તેમને ફોટોઝમાં ટેગ કરવા પણ જણાવે છે. વિડિયોગ્રાફર્સ હવે ઈન્સ્ટા વિડીયો એડિટિંગનો વિકલ્પ પણ પવામાં આવે છે

ગુજરાતીઓ ખાવા પીવાના ખૂબ જ શોખીન હોય છે એ વાત તો જગજાહેર છે. યુવાનો ખાસ્સુ ટ્રાવેલ કરતા હોય છે અને બધી જ જગ્યાઓથી વાકેફ હોય છે. તે તેમના મહેમાનોને આંતરરાષ્ટ્રીય વાનગીઓ પીરસવા માંગે છે. સાથે સાથે વિવિધ ભારતીય રાજયોની પરંપરાગત વાનગીઓ પણ જોવા મળે છે. આથી ઘણા કપલ્સ ફાઈવ સ્ટાર હોટેલના શેફસને પણ ખાસ બોલાવી રહ્યા છે. અત્યારે ઈટાલિયન, સ્પેનિશ, ગ્રીક અને કેન્ટોનીઝ વેરાયટીની ખાસ્સી બોલબાલા છે. સાથે જ સાઉથ ઈન્ડિયાનું અપ્પમ અને મહારાષ્ટ્રીયન્સની ખાસ વાનગી મિસળ ઉસળ પણ મેરેજમાં પોપ્યુલર છે. કેટલાક લોકો ખીચુ અને કોર્ન ઢોકળા જેવી ગુજરાતી વાનગીઓ પણ પીરસવાનુ પસંદ કરે છે. કેટરર અશોક પુરોહિત જણાવે છે, ઙ્કલગ્નમાં પીરસાતી વાનગીઓમાં ધરમૂળથી પરિવર્તન આવી રહ્યું છે. અહીં પીરસાતી દરેક વાનગી કળાના નમૂના જેવી લાગે છે. વાનગીના પ્રેઝન્ટેશન પાછળ ઘણો ખર્ચ કરવામાં આવે છે. એપેટાઈઝરથી માંડીને વિદેશી એકઝોટિક ફ્રૂટ્સ સુધીનું બધુ જ ખૂબ જ ક્રિએટિવ રીતે સર્વ કરવામાં આવે છે.