Gujarati News

કેલિફોર્નિયાઃ ભારતમાં જુદા જુદા ગ્રામિલ તથા છેવાડાના વિસ્તારોમાં વોકેશ્નલ ટ્રેનીંગ સેન્ટર દ્વારા ભાવિ પેઢીને પગભર કરવા તથા અદ્યતન ટેકનોલોજીથી સજજ કરવા માટે કાર્યરત NGO 'પ્રથમ' ના ઉપક્રમે તાજેતરમાં અમેરિકામાં ૨૯ સપ્ટેં. ૨૦૧૮ના રોજ ગાલા ફંડ રેઇઝીંગ પ્રોગ્રામ યોજાઇ ગયો.

હંટીંગટન બિચ,કેલિફોર્નિયા મુકામે યોજાયેલા આ પ્રોગ્રામમાં ૨.૫ મિલીયન ડોલરનું ફંડ ભેગુ થઉ ગયુ હતું જે આપવા માટે ઉપસ્થિત દાતાઓ વચનબધ્ધ થયા હતા.

આ પ્રસંગે ૨૫૦ જેટલા અગ્રણી મહાનુભાવો હાજર રહ્યા હતા. જેમાં સેનેચર કોરી બુકર, શ્રી સુદેશ તથા સુશ્રી ચિત્રા અરોરા ફેમીલી ફાઉન્ડેશન, મોદી ફેમીલી, સર્વ મંગલ ફેમિલી ટ્રસ્ટ, પ્રથમ કો-ફાઉન્ડર ડો. માધવ ચવન સહિતનાઓનો સમાવેશ થયો હતો.