Gujarati News

Gujarati News

News of Saturday, 1st August 2020

જૂનમાં ક્રૂડની આયાત 5 વર્ષને તળિયે : રિફાઇનરી પ્રોડક્ટની પણ નિકાસ ઘટી

સળંગ ત્રીજા મહિને ક્રૂડની આયાતમાં ઘટાડો

નવી દિલ્હીઃ ભારતમાં ક્રૂડઓઇલની આયાત છેલ્લા પાંચ વર્ષની સૌથી નીચી સપાટીએ પહોંચી ગઇ છે. સરકારી આંકાડા મુજબ આ મહિનામાં રિફાઇનરી પ્રોડક્ટસની નિકાસમાં પણ વર્ષનો પ્રથમ ઘટાડો નોંધાયો છે.

પેટ્રોલિયમ અને નેચરલ ગેસ મંત્રાલયના પેટ્રોલિયમ પ્લાનિંગ અને એનાલિસિસ સેલ (પીપીએસી) દ્વારા જાહેર કરાયેલા આંકડા મુજબ જૂન મહિનામાં ક્રૂડ ઓઇલની કૂલ આયાત વાર્ષિક તુલનાએ 19 ટકા ઘટીને 136.8 લાખ ટન થઇ છે, જે છેલ્લા વર્ષની સૌથી ઓછી માસિક આયાત છે સાથે-સાથે સળંગ ત્રીજા મહિને આયાતમાં ઘટાડો દર્શાવે છે.

યુબીએસના વિશ્લેષક જિઓવન્ની સ્ટેવનોએ જણાવ્યું હતું કે, એવી સંભાવના છે કે હજી સુધી ઓઇલની માંગ સંપૂર્ણપણે રિકવર થઇ નથી અને ભારતમાં ઓઇલની માંગમાં ફરીથી વધારો થવામાં વધુ સમય લાગશે તેવી અપેક્ષા છે.

"વિશ્વનો ત્રીજો સૌથી મોટો ઓઇલનો આયાત કરનાર અને વપરાશકાર ભારતમાં ઇંધણની માંગ જૂન મહિનામાં વાર્ષિક સરખામણીએ 7.8 ટકા ઘટી છે, જે કોરોનાવાયરસના સતત વધતા જતા કેસો અને રિટેલ ભાવમાં વૃદ્ધિને આભારી છે.

ઓન્ડાના વરિષ્ઠ બજાર વિશ્લેષક એડવર્ડ મોયાએ જણાવ્યું હતું કે, "ભારતમાં ઇંધણની માંગમાં પુનઃ રિકવરી પ્રાપ્તિ અટકેલી રહેશે, જેનું કારણ કોરોનાવાયરસના કેસોમાં સતત વૃદ્ધિ છે." ભારતમાં કોવિડ-19થી સંક્રમિત દર્દીઓની સંખ્યા ગત શુક્રવારે 16,4 લાખને વટાવી ગઇ હતી.

(9:46 pm IST)
  • અમરેલી જીલ્લામાં વધુ 11 કોરોના પોઝિટિવ કેસ નોંધાયા:જીલ્લામા કોરોના પોઝિટિવ કેસની સંખ્યા 463એ પહોંચી : અત્યાર સુધીમાં કુલ 16 ના મોત : 183 એક્ટીવ કેસ : 264 દર્દીઓ સ્વસ્થ થયા access_time 10:22 pm IST

  • બકરી ઈદ તહેવાર : ડ્યુટી ઉપર સમયસર ન પહોંચવા બદલ દિલ્હીના 36 પોલિસકર્મી સસ્પેન્ડ : જામા મસ્જીદે સોશિઅલ ડીસ્ટન્સનું પાલન કરાવવા સાંજે 5 વાગ્યે હાજર ન થયેલા 36 પોલીસ કર્મચારીઓ બરતરફ : પોલીસ કમિશનર મહિલા વિજયંતા આર્યએ લીધેલું કડક પગલું access_time 12:37 pm IST

  • કાલે વિજયભાઈના અધ્યક્ષસ્થાને વન મહોત્સવ ઉજવણીની બેઠક : ૭૧માં રાજયકક્ષાના વનમહોત્સવની ઉજવણી અંતર્ગત રાજકોટના આજી ડેમ વિસ્તાર ખાતે અર્બન ફોરેસ્ટ અને સાંસ્કૃતિક વન નિર્માણ કાર્યક્રમ આવતીકાલે તા. ૨ના રવિવારે સવારે ૧૦:૩૦ વાગ્યે મુખ્યમંત્રી શ્રી વિજયભાઈ રૂપાણીના અધ્યક્ષસ્થાને વિડીયો કોન્ફરન્સના માધ્યમથી કાર્યક્રમ યોજાશે : જેમાં ૫૦ જેટલા પદાધિકારીઓ - અધિકારીઓ સોશ્યલ ડિસ્ટન્સના પાલન સાથે હાજર રહેશે access_time 12:54 pm IST