Gujarati News

Gujarati News

News of Saturday, 1st August 2020

ભારત-અમેરિકી લેબએ આપી લીલીઝંડી

નિષ્ણાતોના મતે હાથ મોજાં કરતા હાથ ધોવા વધુ સલામત

કોરોનાથી બચવા હાથમોજાં પહેરનારા લોકો સાવધાન! : હાથ મોજા પહેરવાથી કોરોના વાયરસને રોકી શકાય એ વાતને શિકાગોના ઈન્ફેક્શન સ્પેશિયાલિસ્ટે ફગાવીે

શિકાગો, તા. : ઘણા લોકો ઘરની બહાર નીકળે ત્યારે માસ્કની સાથે હાથમોજાં પહેરવાનું પણ નથી ભૂલતા. ગમે ત્યાં અડકવાથી વાયરસના સંપર્કમાં ના આવી જવાય તે વાતને ધ્યાનમાં રાખીને સેફ્ટી માટે માસ્ક પહેરવાનું ચલણ વધી રહ્યું છે. જોકે, ડોક્ટર્સે તેના પર મોટી ચેતવણી આપી છે. યુનિ. ઓફ શિકાગોના ઈન્ફેક્શન સ્પેશિયાલિસ્ટ ડૉ. એલિસન બારલેટનું કહેવું છે કે માસ્ક કોરોનાથી દેખીતી રીતે કોઈ રક્ષણ નથી આપતા. વર્લ્ડ હેલ્થ ઓર્ગેનાઈઝેશનના એક્સપર્ટ્સનું પણ કહેવું છે કે હાથમોજાં પહેરવાના બદલે નિયમિત રીતે હાથ ધોવા કોરોનાને દૂર રાખવાનો સૌથી કારગત ઉપાય છે. જો કોઈ સપાટી પર કોરોના વાયરસની હાજરી હોય અને હાથમોજાં પહેરીને તેને અડકવામાં આવે તો વાયરસ તેના પર ચોટી જાય છે,

           અને તે તેના પર ટકી શકે છે.ડોક્ટર બારલેટનું માનીએ તો, હાથમોજાં પહેરવાથી કોરોનાનો ચેપ નહીં લાગે તેવી ખોટી સુરક્ષાની લાગણી જન્મે છે. કારણકે, તેનાથી તમારી સ્કીન કોઈ સરફેસ પર સીધી ટચ નથી થતી. પરંતુ કોઈ ઈન્ફેક્ટેડ સરફેસને ટચ કર્યા બાદ જો તમે તમારા ચહેરા કે માસ્કને સ્પર્શો તો ઈન્ફેક્શન સીધું તમારા સુધી પહોંચી જવાની શક્યતા રહે છે. હાથમોજાં પર લાગેલા વાયરસ તમે જો ચહેરા, આંખ કે માસ્કને અડકો તો ત્યાં સુધી પહોંચી શકે છે.મેડિકલ સ્ટાફ માટે જરુરી છે મોજાં, સિવાય હાથમોજાંને જ્યારે કાઢવામાં આવે ત્યારે પણ એક મોજું કાઢ્યા બાદ બીજો હાથ ફ્રી થઈ જાય છે, અને તે ગ્લવ્સને ટચ થાય છે. જેનાથી તેના પર લાગેલા વાયરસ ખૂલ્લા હાથ પર લાગવાના પૂરા ચાન્સ છે. ગ્લવ્સ ખરેખર તો કોરોનાના દર્દીઓની સારવાર કરતા ડોક્ટર્સ અને મેડિકલ સ્ટાફ માટે જરુરી છે. કારણકે તેઓ એક ચોક્કસ પ્રોસિજર હેઠળ તેનો ઉપયોગ કરે છે, એક દર્દીને તપાસી બીજા ગ્લવ્સ પહેરી લે છે,

          અને તેનો નાશ કરીને પોતાના હાથ યોગ્ય રીતે સેનેટાઈઝ કરતા રહે છે.હાથમોજાં પહેરતા લોકો હેન્ડવોશમાં આળસ કરે છે.વર્લ્ડ હેલ્થ ઓર્ગેનાઈઝેશનના જણાવ્યા અનુસાર, હાથને સાબુથી મસળીને ધોવા કે આલ્કોહોલ યુક્ત સેનિટાઈઝરથી તેને ૨૦ સેકન્ડ સુધી ધોવાથી તે સંપૂર્ણપણે વાયરસમુક્ત બને છે. યુનિ. ઓફ ન્યૂ સાઉથ વેલ્સના ઈન્ફેક્શન એક્સપર્ટ ડૉ. મેરી લૂઈસ જણાવે છે કે સ્કીન કરતા ગ્લવ્સ પર જર્મ્સ વધુ સમય ટકી રહે છે. બીજી સમસ્યા છે કે હાથમોજાં પહેરી લોકો નિશ્ચિંત થઈ જાય છે અને હાથ યોગ્ય રીતે ધોવાનું ટાળે છે. તેના કારણે ઈન્ફેક્શનનો ખતરો ઓર વધી જાય છે.હવામાં કોરોના વાયરસ ત્રણ કલાક જેટલો સમય ટકી શકે છે. જોકે, એક કોરોના પોઝિટિવ વ્યક્તિ છીંક કે ઉધરસ ખાય ત્યારે તે બીજા કોઈને ચેપ લગાડી શકે તેટલી માત્રામાં વાયરસ ફેલાવે છે કે નહીં તે હજુ સુધી સ્પષ્ટ નથી થઈ શક્યું. કાગળ, કપડાં, ઓશિકા, પડદાં જેવી વસ્તુઓ પર કોરોના વાયરસ ૨૪ કલાક જેટલો સમય ટકી શકે છે. અત્યારસુધી થયેલા રિસર્ચમાં સાબિત થઈ ચૂક્યું છે કે ગ્લાસ, પ્લાસ્ટિક, સ્ટીલ, બારણાના હેન્ડલ જેવી હાર્ડ સરફેસ પર વાયરસ ૭૨ કલાક જેટલો સમય ટકી શકે છે, અને સપાટીઓ પર તેની ઈન્ફેક્શન ફેલાવવાની ક્ષમતા વધી જાય છે.

(7:53 pm IST)
  • દેશમાં કોરોનાનો કહેર : છેલ્લા 24 કલાકમાં 54,865 કેસ નોંધાયા : રાત્રે 12 વાગ્યા સુધીમાં દેશમાં કોરોનાના કુલ 17,51,919 કેસ થયા :5,67,205 એક્ટિવ કેસ :કુલ 11,46,879 દર્દીઓ રિકવર થયા :વધુ 852 લોકોના મોત :મૃત્યુઆંક 37,403 થયો :મહારાષ્ટ્રમાં નવા 9601 કેસ : તામિલનાડુમાં 5879 કેસ : આંધ્રપ્રદેશમાં નવા 9276 કેસ: દિલ્હીમાં 1118 કેસ : કર્ણાટકમાં નવા 5172 કેસ :ઉત્તર પ્રદેશમાં 3587 કેસ અને પશ્ચિમ બંગાળમાં વધુ 2589 કેસ :બિહારમાં 3521 નવા કેસ, તેલંગાણામાં 2083 કેસ,રાજસ્થાનમાં 1160 કેસ અને આસામમાં 1457 નવા કેસ અને ઓરિસ્સામાં 1602 કેસ નોંધાયા access_time 12:42 am IST

  • રીયલ એસ્ટેટ પર સીબીઆઈના દરોડા !! : સીબીઆઈએ ગૌરસન્સના ચેરમેન બી. એલ. ગૌરના પુત્ર રાહુલ ગૌર સામે બરોડા અને સિન્ડિકેટ બેંક સાથે ૮૦ કરોડની છેતરપિંડી કરવા અંગે કેસ દાખલ કર્યા છે access_time 10:18 pm IST

  • દેશમાં કોરોનાએ હાહાકાર મચાવ્યો : એક જ દિવસમાં સૌથી વધુ 57,212 નવા કેસ નોંધાયા : રાત્રે 12 વાગ્યા સુધીમાં દેશમાં કોરોનાના કુલ 16,96,780 કેસ થયા :5,64,156 એક્ટિવ કેસ :કુલ 10.95,647 દર્દીઓ રિકવર થયા :વધુ 764 લોકોના મોત :મૃત્યુઆંક 36,551 થયો : છેલ્લા 24 કલાકમાં મહારાષ્ટ્રમાં નવા 10,320 કેસ : તામિલનાડુમાં 5864 કેસ :દિલ્હીમાં 1195 કેસ : આંધ્રપ્રદેશમાં નવા 10.167 કેસ: કર્ણાટકમાં નવા 5483 કેસ :ઉત્તર પ્રદેશમાં 4422 કેસ અને પશ્ચિમ બંગાળમાં વધુ 2496 કેસ :બિહારમાં 2986 નવા કેસ, તેલંગાણામાં 1986 કેસ,રાજસ્થાનમાં 1147 કેસ અને આસામમાં 1862 નવા કેસ અને ઓરિસ્સામાં 1499 કેસ નોંધાયા access_time 12:46 am IST