Gujarati News

નવી દિલ્હી, તા. ૧ :. દુનિયા હવે કોરોના મહામારી સાથે જ આગળનો રસ્તો બનાવવામાં લાગી ગઈ છે. કોવિડ-૧૯ હવે આપણી સાથે જ રહેશે તેનો સ્વીકાર કરી લેવામાં આવશે અને એટલા જ ઝડપથી આગળનો રસ્તો સરળ બનશે. આ સિદ્ધાંતને ધ્યાને રાખી તૈયારી કરવામાં આવી રહી છે. હવે બધુ ન્યુ નોર્મલ માનવામાં આવી રહ્યુ છે.

આ મહામારીને સફળતાપૂર્વક નિયંત્રીત કરનારા દેશોમાં સામેલ સિંગાપોરે જાહેરાત કરી છે કે મહામારીને નિયંત્રીત કરવાના ઉપાયોમાં ટૂંક સમયમાં પાયાનંુ પરિવર્તન કરાશે.

કોવિડ-૧૯ હવે સામાન્ય ફલુની જેમ રહેશે. યાત્રીકોને કોરન્ટાઈન કરવા અને સંક્રમિતોના સંપર્કમાં આ વવા પર આઈસોલેટ કરવાની બાબત હવે જૂની થઈ છે. સંક્રમિતોના આંકડા રોજ જાહેર કરવાનું બંધ કરવામાં આવશે.